आशाताई बच्छाव
जिल्ह्यात अवैध धंद्यावर स्थानिक गुन्हे शाखेचे छापे; २३ गुन्हे दाखल अहिल्यानगर प्रतिनिधी कारभारी गव्हाणे
जिल्ह्यात सुरू असलेल्या अवैध धंद्यावर स्थानिक गुन्हे शाखेच्या पथकाने कारवाई करून १ लाख ८३ हजार रुपयांचा मुद्देमाल हस्तगत केला. याबाबत विविध पोलीस ठाण्यात २३ गुन्हे दाखल करण्यात आले आहेत.पोलीस अधीक्षक राकेश ओला यांच्या मार्गदर्शनाखाली स्थानिक गुन्हे शाखेचे पोलीस निरीक्षक दिनेश आहेर यांच्या पथकाने नगर तालुका, श्रीरामपूर शहर, नेवासा, श्रीगोंदा व राहुरी पोलीस ठाणे हद्दीत अवैध धंदे सुरू असल्याची खात्रीशीर माहिती मिळाली. त्यानुसार पथकाने नगर तालुक्यात तीन ठिकाणी छापे टाकून तिघांविरुद्ध गुन्हा दाखल केला. तर श्रीरामपूर शहर पोलीस ठाणे हद्दीत ११ ठिकाणी छापा टाकले.
नेवासा पोलीस ठाणे हद्दीत ५, श्रीगोंदा तीन, तर राहुरी पोलीस ठाणे हद्दीत जुगार आड्यावर छापा टाकून १२ जणांवर गुन्हा दाखल करण्यात आला आहे.
