आशाताई बच्छाव
(भिला आहेर तालुका प्रतिनिधी)
देवळा :- जागतिक महिला दिनाच्या रात्रीच विधवा महिलेच्या घरी मोठी घरफोडी
मेशी येथे मेशीफाटा परिसरात सोनाली रवींद्र सोनवणे (वय-३३) ही विधवा महिला एक मुलगी व एका मुलासोबत शेतात राहतात. रात्रीच्या सुमारास घराला कुलूप लावून महिला व दोन्ही मुलं हे बाहेर झोपले असता चोरट्यांनी शुक्रवारी रात्रीच्या सुमारास सोनवणे यांच्या घराचे कुलूप तोडून घरात घुसत लोखंडी कपाटातून रोख रक्कम सत्तर हजार रुपये लंपास केले आहेत पहाटे पाच वाजता त्यांच्या लक्षात आल्यावर त्यांनी आरडाओरड करत आसपासच्या लोकांना सांगितले त्यानंतर सकाळी देवळा पोलीस ठाण्यात सोनवणे यांनी फिर्याद दाखल करत देवळा पोलीस ठाण्याचे पोलीस निरीक्षक सार्थक नेहेते यांनी तात्काळ घटनास्थळी भेट देत तपासाला गती देत घटनास्थळी नाशिक येथील श्वानपथक व ठसा तज्ञ पाचारण केले असता श्वानपथकाने जवळच एका ठिकाणी मार्ग दाखवला असता पोलिसांनी दोघा संशयितांना ताब्यात घेतले आहे.दोन वर्षांपूर्वीच सदरहू महिलेच्या पतीचे बाबावाडी जवळ अपघाती निधन झाले होते त्या दुःखातून सावरत नाही तोच घरफोडी झाल्याने सोनवणे ह्या कमालीच्या धास्तावल्या आहेत.याबाबत देवळा पोलीस ठाण्यात अज्ञात आरोपी विरोधात भा. द. वि. कलम 305(अ),331(4) प्रमाणे गुन्हा दाखल केला असून घटनेचा पुढील तपास पोलीस निरीक्षक सार्थक नेहेते यांचे मार्गदर्शनाखाली पोलीस हवालदार भास्कर सोनवणे हे करीत आहेत.
