आशाताई बच्छाव
वाघळी येथील ज्वेलर्स दुकानातुन 27 हजाराच्या चांदीच्या अंगठ्या लंपास
चाळीसगाव प्रतिनिधी विजय पाटील- तालुक्यातील वाघली येथील ज्वेलर्स सोन्या-चांदीचे दुकानाचे शटरचे लॉक तोडून दुकानातील ड्रावरमध्ये ठेवलेल्या 27 हजार रुपये किमतीच्या 376 ग्रॅम वजनाच्या चांदीच्या 210 अंगठ्या अज्ञात चोरट्यांनी चोरून नेल्याची घटना दि 9/1/2025 रोजी रात्री ते दि 10/01/2025 रोजी सकाळी 10 वाजेच्या दरम्यान घडली असून चाळीसगाव ग्रामीण पोलीस स्टेशन ला गुन्हा दाखल करण्यात आला आहे.
याबाबत माहिती अशी की कुणाल प्रेमराज सोनार, 24 रा. वाघळी ता. चाळीसगाव यांचे मालकीचे वाघली येथे कुणाल ज्वेलर्स नावाचे सोन्या-चांदीचे दुकान असुन सदर दुकानावर ते व त्यांचे वडिल प्रेमराज सोनार दोन्ही थांबतात
नेहमीप्रमाणे त्यांनी दि 9/1/25 रोजी रात्री 8 वाजता दुकान बंद केले व दि 10/1/25 रोजी सकाळी 10 वाजता कुणाल सोनार हे दुकान उघडण्यासाठी गेले असता त्यांना दुकाना जवळील नालीत दुकानाला बाहेरुन लावलेले दोन सी.सी.टी.व्ही. कॅमेरे तुटुन पडलेले दिसले
व दुकानाला लावलेले एक बाजुचे शटर लॉक तुटलेला दिसला त्यांनी लागलीच वडिलांना व पोलीस पाटील यांना फोन करुन सांगितले. पोलीस पाटील पाटील यांनी चाळीसगाव ग्रामीण पोलीस स्टेशनला कळवून पोलीसांसोबत आमचे कुणाल ज्वेलर्स या दुकानात जावुन पाहिले असता दुकानातील ड्रावरमध्ये ठेवलेले तीन काचेच्या बॉक्समध्ये असलेल्या 376 ग्रॅम वजनाच्या 210 चांदीच्या अंगठ्या चोरी गेल्याचे दिसून आले
याप्रकरणी चाळीसगाव ग्रामीण पोलिस स्टेशन ला अज्ञात चोरट्या विरोधात गुन्हा दाखल करण्यात आला असून तपास हवालदार विजय शिंदे करीत आहेत.
