आशाताई बच्छाव
पोलीस स्थापना दिनाचे औचित्य साधून अँड. मनोज संकाये मित्र मंडळाच्या वतीने पोलीस बांधवांचा सत्कार!
मोहन चव्हाण
ब्युरो चीफ बीड जिल्हा
बीड/परळी दि. ०२ जानेवारी २०२५ रोजी 2 जानेवारी हा पोलीस स्थापना दिन म्हणून महाराष्ट्रामध्ये मोठ्या उत्साहात साजरा करण्यात येतो. दिनाचे औचित्य साधून परळी शहर पोलीस स्टेशन मधील ठाणे अंमलदार एस. एस. शिंदे आणि होमगार्ड पटनाईक सूर्यकांत बुदे यांचा येथील अँड. मनोज संकाये मित्र मंडळाच्या वतीने सत्कार करून पोलीस स्थापना दिन साजरा करण्यात आला आणि पोलीस बांधवांना शुभेच्छा दिल्या. पोलीस प्रशासनातील उच्च अधिकारी आणि पोलीस बांधव रात्रंदिवस आपल्या जीवाची परवा न करता सामान्य जनतेच्या रक्षणासाठी अहोरात्र परिश्रम करतात. “सदरक्षणाय खलनिग्रणाय” हे घोषवाक्य पोलीस दलाचे आहे. म्हणजेच सदैव सज्जनांचे रक्षण करील व दुर्जनांचा नाश करील याप्रमाणे पोलीस दलातील सर्व पोलीस बांधव आपले कर्तव्य अतिशय निष्ठापूर्वक बजावतात. आशा या पोलीस दलाचा पोलीस स्थापना दिन साजरा करण्याचे भाग्य आहे. यावेळी पोलीस बांधवांचा शाल श्रीफळ आणि पुष्पगुच्छ देऊन मित्र मंडळाच्या वतीने सत्कार संपन्न झाला. यावेळी अनिल चौधरी, जिरेवाडीचे उपसरपंच राहुल कांदे, शिवा बडे, शिरीष सलगरे, संदीप चौधरी, रामेश्वर खके , देविदास मुंडे ,अर्जुन गिरी आदी मित्र मंडळाचे पदाधिकारी उपस्थित होते.
