आशाताई बच्छाव
परमार्थातून कौटुंबिक सौख्याची प्राप्ती
योगेश्वरी महाराज : श्रीरामवाडी कीर्तन महोत्सवाचे सहावे पुष्प
सोनई/नेवासा कारभारी गव्हाणे तालुका प्रतिनिधी, कुटुंबात परमार्थाचा
स्पर्श नसल्यास कुटुंबवत्सल व त्यांच्या भावी पिढीत दशा निर्माण होऊन बहुतेक कार्याची दिशा बदलत जाते. वारकरी संप्रदायाच्या माध्यमातून सत्संगाची कास धरली, तर कौटुंबिक सौख्य होऊन पारमार्थिक महाधनाची प्राप्ती होते, असे विचार कौठा (ता. नेवासे) येथील योगेश्वरी महाराज दरंदले यांनी व्यक्त केले.
श्रीरामवाडी येथे आयोजित पारायण सप्ताह व कीर्तन महोत्सव कार्यक्रमात सहावे पुष्प गुंफताना बोलत होत्या. सोहळ्याचे मार्गदर्शक रायभान महाराज बेल्हेकर, गोविंद महाराज निमसे, राम महाराज कोल्हे, पांडुरंग महाराज जाधव, सागर महाराज राऊत, परमेश्वर महाराज इगारे, मोहन महाराज तोगे उपस्थित होते.
योगेश्वरी महाराजांनी संत नामदेव महाराज यांच्या “देह राहो अथवा जावो” या अभंगावर निरुपण केले. आध्यात्मिक कार्य म्हणजे प्रदर्शन नसल्याचे सांगत संत ज्ञानेश्वर महाराजांची
सोनई येथील कीर्तन महोत्सवात सहावे पुष्प गुंफताना योगेश्वरी महाराज दरंदले.
ज्ञानेश्वरी व संत तुकाराम महाराजांच्या गाथेतील प्रत्येक ओवी अमृततुल्य असल्याने त्यात रममाण होऊन गेलो, तरच ज्ञानाची अविट गोडी प्राप्त होत असल्याचे सांगितले. जीवनात परमार्थाचा पाझर मुरणे कधीच वाया जात नाही, असेही त्यांनी सांगितले. ज्ञानेश्वर महाविद्यालयाचे प्राचार्य डॉ. गोरक्षनाथ कल्हापुरे यांनी सोहळ्याची रूपरेषा सांगून आभार मानले.
