आशाताई बच्छाव
महाराष्ट्र राज्यात भाजपाच्या दणदणीत विजयाचा भाजपा जिल्हा जालना च्या वतीने फटाके फोडून विजयी जल्लोष !
कार्यकर्त्यांच्या वतीने भाजपा महाराष्ट्र विधानसभा निवडणूक प्रमुख श्री.रावसाहेब पाटील दानवे यांचे अभिनंदन
जालना (प्रतिनिधी दिलीप बोंडे) महाराष्ट्र राज्यात विधानसभा निवडणुकीत भारतीय जनता पक्षाला व महायुतीला मिळालेल्या यशामुळे जालना येथील भारतीय जनता पक्षाच्या कार्यालयासमोर कार्यकर्ते व पदाधिकारी यांनी जल्लोष साजरा केला. यावेळी फटक्याची आतिशबाजी करून पेढे वाटून जल्लोष साजरा केला.
मिळालेले यश हे देशाचे लाडके पंतप्रधान नरेंद्रजी मोदी, उपमुख्यमंत्री देवेंद्रजी फडणवीस, भाजपा प्रदेशाध्यक्ष चंद्रशेखर बावनकुळे, भाजपा महाराष्ट्र विधानसभा निवडणूक प्रमुख श्री.रावसाहेब पाटील दानवे यांच्या नेतृत्वाखाली असंख्य कार्यकर्त्यांनी केलेल्या परिश्रमाचे हे यश असल्याचे सांगितले. महाराष्ट्र राज्यात मिळालेला विजय हा सर्वसामान्य कार्यकर्त्यांचा विजय आहे. पंतप्रधान नरेंद्रजी मोदी यांनी देशभरात केलेल्या विकास कामांमुळे जनतेचा त्यांच्यावरील विश्वास वाढला आहे. त्यांच्या हातात देश सुरक्षित आहे. विविध योजना आणून सर्वसामान्य जनतेला न्याय दिल्याने हा विजय मिळाला आहे. आजचा दणदणीत निकाल पक्षाच्या सेवा, सुशासन आणि गरीब कल्याणाला प्राधान्य देऊन विकास कामांचे फळ आहे.
यावेळी विजय कामड, अर्जुन गेही, धनराज काबलीये, रविंद्र अग्रवाल, गोवर्धन कोल्हे, राजेश जोशी, सुनील खरे, राजेंद्र भोसले, अमोल कारंजेकर, सुभाष सले, राजू गवई, आनंद झारखंडे, बाबुराव भवर, तुलजेश चौधरी, प्रमोद गंडाळ, सुदर्शन काळे, सतीशचंद्र प्रभू, संतोष खंडेलवाल, सिद्धेश्वर हसबे, बद्री भसांडे, सेवक नारीयालवाले, उपस्थित होते.
