आशाताई बच्छाव
जालना येथील घरफोडीतील सराईत आरोपी जेरबंद करून 03 तोळे वजनाचे सोन्याचे गंठण केले हस्तगत.
प्रतिनिधी जालना-वसंतराव देशमुख
दिनांक -21/08/2024
याविषयी सविस्तर माहिती अशी की, जालना शहरात दिनांक 8/ 6 /2024 रोजी रात्री दोन वाजेच्या सुमारास आंबड चौफुली भागातील योगेश नगर येथे एका बंद घराचे लॉक तोडून अज्ञात आरोपींनी कपाटातील सोन्या चांदीचे व रोख रक्कम चोरी केली होती. त्याप्रकरणी पोलीस ठाणे तालुका जालना येथे गुरंन 373 /2024 कलम 457, 380 भादवि प्रमाणे गुन्हा दाखल करण्यात आला होता. सदरील गुन्ह्यातील आरोपी शोध घेणेबाबत मा. पोलीस अधीक्षक श्री अजय कुमार बंसल यांनी स्थानिक गुन्हे शाखेचे पोलीस निरीक्षक श्री पंकज जाधव यांना सूचना दिल्या होत्या. त्या अनुषंगाने पोलीस निरीक्षक स्थानीक गुन्हे शाखा जालना यांनी पथकातील अधिकारी व अंमलदार यांना सदरचा गुन्हा उघडकीस आणणे बाबत सूचना देऊन मार्गदर्शन केले होते.
त्या अनुषंगाने दिनांक 20/08/ 2024 रोजी स्थानिक गुन्हे शाखेतील पोलिस अधिकारी व अंमलदार हे नमूद गुन्ह्यातील आरोपी गोपीसिंग प्रल्हादसिंग टाक या गुन्हेगाराचा शोध घेत असतांना तो गांधीनगर येथे मिळून आल्याने त्यास ताब्यात घेऊन त्याकडे गुन्ह्याचे अनुषंगाने चौकशी केली असता त्यांनी गुन्ह्याची कबुली देऊन गुन्ह्यात चोरी केलेले 03 तोळे वजनाचे सोन्याचे गंठण काढून दिले.
सदरची कारवाई मा. पोलीस अधीक्षक श्री अजय कुमार बंसल व मा. अप्पर पोलीस अधीक्षक श्री आयुष नोपानी यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री पंकज जाधव सपोनी. श्री योगेश उबाळे, सपोनी श्री शांतीलाल चव्हाण, पोलीस उपनिरीक्षक श्री राजेंद्र वाघ, सोबत पोलीस अमलदार शाम्युअल कांबळे ,कृष्णा तंगे, लक्ष्मीकांत आडेप, सागर बाविस्कर, सुधीर वाघमारे, संदीप चिंचोले, धीरज भोसले, योगेश सहानी, कैलास चेके, सौरभ मुळे, सर्व स्थानिक गुन्हे शाखा जालना यांनी केली आहे.
