आशाताई बच्छाव
कै. गणेश मुलगे यांची डेडबाॅडी कंपनीत ठेवून ठिय्या आंदोलन करताच, मिळाला मोबदला-प्रदीप पाटील खंडापुरकर बाबा राष्ट्रीय अध्यक्ष
जिल्हा प्रतिनिधी जालना -वसंतराव देशमुख
दिनांक १७/०७/२०२४
याविषयी सविस्तर माहिती अशी की,खंडापुर येथिल कै. गणेश सुरेश मुलगे हे गणेश बेकरी MIDC लातुर येथे नोकरी करीत होते, आज ते कंपणीच्या कामानिमित्त भोकर जि.नांदेड येथे गेले होते.त्यांच्या गाडीचा अपघात झाला त्यात त्यांचा मृत्यू झाला.
गणेश बेकरीचे मालक त्यांच्या आई वडीलास मोबदला देण्यास तयार नव्हते, शेवटी अखिल भारतीय भ्रष्टाचार निर्मूलन संघ्रर्ष समितीचे राष्ट्रीय अध्यक्ष प्रदीप पाटील खंडापुरकर बाबा यांनी कै.गणेश मुलगे यांची डेडबाॅडी (मृतदेह) MIDC लातुर येथील गणेश बेकरी यांच्या गेट मध्ये आणुन गणेश बेकरी मालकाच्या विरोधात ठिय्या आंदोलन केले.सुमारे दोन तास डेडबाॅडी उचललीच नाही.MIDC चे पोलीस निरीक्षक श्री. नरवाडे साहेब पोलीसांचा संच घेऊन घटनास्थळी आले.महीलांची युवकांची संख्या मोठ्या प्रमाणात होती. या वेळी मौजे हारंगुळ येथील सामाजिक कार्यकर्ते श्री बालाजी भाऊ कैले यांनी पुढाकार घेऊन मयत गणेश मुलगे यांच्या वडीलांना 8 लाख रुपये देण्यास गणेश बेकरी च्या मालकांना भाग पाडले.आणि विमा कंपनीकडून वेगळे पैसे देण्याचा आश्वासन देण्यात आल्या नंतर डेडबाॅडी मृतदेह उचलला. या कामी प्रहार संघटनेचे जिल्हाध्यक्ष राजाभाऊ चौगुले, माजी सरपंच संजय पाटील खंडापुरकर, दत्ता धायगुडे, तानाजी पाटील, बप्पा टेळे यांनीही पुढाकार घेतला होता.अखिल भ्रष्टाचार निर्मूलन संघर्ष समितीचे राष्ट्रीय अध्यक्ष मा.प्रदीप पाटील खंडापूरकर बाबा यांच्या प्रयत्नातून मृत व्यक्तीच्या कुटुंबाला अखेर न्याय मिळाला.
