Yuva maratha news
पुणे /हवेली प्रतिनिधी श्री संजय वाघमारे : एकाच कुटुंबामधील पाच जण बुडाले, लोणावळ्या मध्ये खूप धक्कादायक प्रकार घडला. सध्या पावसाचे वातावरण सुरू असल्यामुळे अनेक पर्यटक फिरण्यासाठी बाहेर जात आहेत. त्यामध्ये लोणावळ्यात भुशी डॅम च्या परिसरामध्ये खूप धक्कादायक प्रकार घडला. वर्षा पर्यटनासाठी गेलेल्या एका धबधब्याच्या पाण्याचा अंदाज न आल्याने एकाच कुटुंबातील पाच जण वाहून गेले. त्यामध्ये आतापर्यंत शोध मोहिमेमध्ये चार जणांचे मृतदेह सापडलेले आहेत. अजून एकाचा शोध सुरू आहे. हे सर्व पाच जण एकाच कुटुंबातील आहेत. हे अन्सारी कुटुंब फिरायला गेल्यानंतर पाण्याचा अंदाज न आल्यामुळे त्या पाण्याच्या प्रवाहाचा वेग खूप होता त्यामुळे ते त्यात वाहून गेले. त्या पाच जणांमध्ये लहान मुले व महिलांचा समावेश आहे. अशा प्रकारचे धक्कादायक प्रकार होऊ नये यासाठी सर्व पर्यटकांनी स्वतःची जबाबदारी स्वतः घेतली पाहिजे अशा तऱ्हेचा सोर जनतेमध्ये उमटला आहे. पाण्याचा अंदाज पाहूनच काही गोष्टी कराव्यात स्वतःचा जीव धोक्यात घालू नये यासाठी स्वतः तत्वर राहणे गरजेचे आहे.
