Home नाशिक देवळा तालुक्यात विवाहितेची विहिरीत उडी घेऊन आत्महत्या

देवळा तालुक्यात विवाहितेची विहिरीत उडी घेऊन आत्महत्या

306
0

आशाताई बच्छाव

1000487191.jpg

देवळा तालुक्यात विवाहितेची विहिरीत उडी घेऊन आत्महत्या

प्रतिनिधी-सतीश सावंत

देवळा तालुक्यातील चिंचवे येथील विवाहित महिलेने विहिरीत उडी घेऊन आत्महत्या केल्याची घटना उघडकीस आली असुन देवळा पोलिसांत गुन्हा दाखल करण्यात आला आहे. याबाबत पोलिसांकडून मिळालेली माहिती अशी की, सुनिता जयराम माळी (वय 35) असे आत्महत्या केलेल्या विवाहितेचे नाव असून आत्महत्येचे कारण अद्याप समजू शकले नाही. पोलिसांनी सांगितल्यानुसार सदर विवाहिता मंगळवार (दि.18) जून रोजी पाच वाजेच्या सुमारास हरविल्याची तक्रार दाखल झाली होती. तर (दि. 19) जून रोजी सकाळी चिंचवे येथील रमेश कस्तुरचंद काला यांच्या गट नंबर दोन अ मधील विहिरीवर या महिलेची चप्पल आढळून आल्याने सदर घटनेची माहिती देवळा पोलिसात कळवली असता सहाय्यक पोलीस निरीक्षक दीपक पाटील, पोलीस उपनिरीक्षक गुजर, पोलीस नाईक नितीन बारहाते, पोलीस हवालदार समाधान खुरसने, योगेश जामदार, महिला पोलीस माधुरी पवार, स्वाती चव्हाण घटनेस्थळी पोहोचले. सदर घटनेचे गांभीर्य ओळखून त्यांनी तातडीने लोहनेर वरून दिलीप पैलवान या पट्टीच्या पोहणाऱ्याला बोलवून विहिरीत जवळपास तीन तास शोध मोहीम राबविली. मात्र त्या ठिकाणी काहीही आढळून आले नाही. मात्र गुरुवार (दि. 20) रोजी सकाळी आठ वाजेच्या सुमारास सुनिता माळी यांचा मृतदेह विहिरीच्या पाण्यावरती तरंगताना आढळून आल्याने सदर घटना देवळा पोलिसांना कळवताच देवळा पोलीस नितीन बाराहाते योगेश जामदार घटनास्थळी पोहोचले व विहिरीतून मृतदेह बाहेर काढून पंचनामा केला मृत सुनीता माळी यांना एक लहान मुलगा तीन मुली असून या घटनेने परिसरात हळहळ व्यक्त होत आहे सदर घटनेचा अधिक तपास पोलीस निरीक्षक ज्ञानेश्वर जाधव यांच्या मार्गदर्शनाखाली सहाय्यक पोलीस निरीक्षक दीपक पाटील करीत आहेत.

Previous article: ठाण्यातील अर्जुन टॉवरला भीषण आग
Next articleकाँग्रेस पक्षाच्या वतीने महायुती सरकारच्या विरोधात आंदोलन, जिल्हाधिकारी कार्यालयासमोर चिखल फेकून केला निषेध.
Yuva Maratha
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here