Yuva maratha news
अखिल भारतीय भ्रष्ट्राचार निर्मूलन संघर्ष समिती भोकरदन व जाफराबाद तालुका पदाधिकाऱ्यांची बैठक संपन्न.
माहोरा.. प्रतिनिधी- मुरलीधर डहाके दिनांक 27/04/2024
याविषयी सविस्तर वृत्त असे की,आज दिनांक 27/04/2024 रोजी जाफराबाद तालुका आणि भोकरदन तालुका कार्यकर्त्यांची बैठक अखिल भारतीय भ्रष्टाचार निर्मूलन संघर्ष समितीचे राष्ट्रीय अध्यक्ष आदरणीय प्रदीप पाटील खंडापूरकर बाबा यांच्या आदेशानुसार व प्रदेशकार्यध्यक्ष श्री वसंतराव देशमुख अखिल भारतीय भ्रष्ट्राचार निर्मूलन संघर्ष समिती यांच्या सुचनेनुसार समितीची बैठक पींपळगाव रेणुकाई येथे संपन्न झाली.यामध्ये भ्रष्टाचराविरुद्धच्या विविध विषयावर चर्चा करण्यात आली.गावं तेथे शाखा हि कल्पना राष्ट्रीय अध्यक्ष आदरणीय प्रदीप पाटील खंडापूरकर बाबा यांची असून ती आपण शंभर टक्के आमलात आणणार असुन त्याची सुरुवात सुरू झाली असल्याचे प्रदेशकार्याध्यक्ष श्री वसंतराव देशमुख यांनी म्हटले आहे.या बैठकीला अखिल भारतीय भ्रष्टाचार निर्मूलन संघर्ष समितीचे जालना जिल्हाध्यक्ष श्री कृष्णा लहाने, जिल्हा सचिव श्री मुरलीधर डहाके, श्री रामदास कदम पाटील तालुका अध्यक्ष जाफराबाद,भोकरदन तालुका अध्यक्ष श्री बालासाहेब देशमुख, भोकरदन तालुका संपर्क प्रमुख श्री शालीकराम आहेर, श्री हरीश सपकाळ माजी सैनिक यांच्यासह महिला पदाधिकारी मोठ्या संख्येने उपस्थित होते.गावागावात भ्रष्टाचार निर्मूलन संघर्ष समितीच्या बैठका घेऊन शाखा ओपनिंग करून भ्रष्टाचारविरोधी जनजागृती करुन शासन व प्रशासन यांचा भ्रष्टाचारी चेहेरा जनतेच्या समोर आणणार असुन भविष्यात भ्रष्टाचाराचा बुरखा फाडून भ्रष्टाचाऱ्यांचा खरा चेहरा संघटनेच्या माध्यमातून जनतेसमोर आणायचा असल्याचा निर्णय या बैठकीत घेण्यात आला आहे.भ्रष्टाचार विरोधातील मोहीम उभी करण्याची गरज असल्याचे प्रतिपादन या बैठकीत पदाधिकाऱ्यांनी व्यक्त केले आहे.
