आशाताई बच्छाव
महामानवास स्वाक्षरीद्वारे अनोखे अभिवादन
———————————
मराठवाडा विभागीय संपादक मनोज बिरादार
देगलूर,भारतरत्न डॉ बाबासाहेब आंबेडकर यांच्या जयंतीनिमित्त नांदेड लोकसभा अंतर्गत मतदानजागृतीसाठी व मतदानाची टक्केवारी वाढविन्यासाठी देगलूर तालुका स्वीप कक्षाच्यावतीने जिल्हा निवडणूक अधिकारी तथा जिल्हाधिकारी अभिजीत राऊत , ऊपजिल्हाधिकारी सचिन गिरी तहसीलदार राजाभाऊ कदम व नायब तहसीलदार संजय नागमवाड यांच्या मार्गदर्शनानुसार डॉ आंबेडकर यांच्या पुतळ्याजवळ मी मतदान करणार व लोकशाही बळकट करनार यासाठी स्वाक्षरी मोहिम राबविन्यात आली. त्यासाठी मोठा फलक लावण्यात आला .
प्रत्येक तरुण, तरुणी,स्त्री,पुरुष अभिवादनकर्ते या फलकावर स्वाक्षरी करुन दि. २६ एप्रिल रोजी मतदान करण्यासाठी सज्ज होत आहेत.
यावेळी स्वीप कक्षातील डॉ अनिल चिद्रावार , प्रा संतोष येरावार , प्रा निरज उपलंचवार , बालाजी सुगावकर , शिवप्रसाद स्वामी, शंकर कुद्रे , प्रा अभिमन्यु पाटिल, यांनी परिश्रम घेतले . यावेळी बहुसंख्य उपस्थित मतदारांनी स्वाक्षरी करुन मतदान करण्याचा संकल्प घेतला असल्याची माहीती स्वीप कक्ष प्रमुख डॉ. बालाजी कतुरवार यांनी दिली आहे.