आशाताई बच्छाव
आगामी सण व उत्सव शांततेत पार पाडावे -डी वाय एस पी गोसावी.
देगलूर तालुका प्रतिनिधी, (गजानन शिंदे)
देगलूर ( वार्ताहर):- देगलूर शहर हे संताची भूमी म्हणून सर्वदूर ख्याती आहे. त्यामुळे येणाऱ्या प्रत्येक जाती धर्माचे सण व उत्सवाला कोणतेही गालबोट न लावता शांततेत पार पाडावे असे आव्हान करीत जर कोणी कायद्याचा भंग करण्याचा प्रयत्न केला तर त्याची गय केली जाणार नाही असा सज्जड दम ही उपविभागीय पोलीस अधिकारी संकेत गोसावी यांनी दिली.
आगामी सण व उत्सवाच्या पार्श्वभूमीवर देगलूर पोलीस ठाण्याच्या वतीने ठाण्याच्या प्रांगणात मंगळवार दि. 2 एप्रिल रोजी सायंकाळी शांतता कमिटीची बैठक आयोजित करण्यात आली होती. त्याप्रसंगी ते बोलत होते यावेळी पोलीस निरीक्षक झुंजारे माजी नगरसेवक धोंडीबा कांबळे, भाजप युवा मोर्चा तालुकाध्यक्ष नामदेव पाटील थडके,माजी नगर सेवक सूर्यकांत सोनकांबळे ,राजा कांबळे रिपब्लिकन पार्टी ऑफ इंडियाचे चंद्रकांत ठाणेकर ,भाजपचे माजी शहराध्यक्ष अशोक कांबळे माजी नगरसेवक सुशील देगलूरकर ,शिवसेनेचे संजय जोशी, एम.आय.एम चे तालुकाध्यक्ष झाकीरभाई यांच्यासह अनेक मान्यवरांची उपस्थिती होती.
सध्या लोकसभा निवडणुकीच्या पार्श्वभूमीवर आचारसंहिता लागू आहे. आणि याच दरम्यान मुस्लिम बांधवांचा पवित्र ईद , महामानव डॉ. बाबासाहेबांची जयंती यासह गुढीपाडवा असे सण व उत्सव येत आहेत त्या अनुषंगाने कोणत्याही जाती धर्मात तेढ निर्माण करणारे आक्षेपार्ह पोस्ट टाकू नये तसेच यादरम्यान डीजे वाजवण्यास मनाई आहे .त्यामुळे पारंपारिक वाद्य वाजवत आगामी सण व उत्सव शांततेत पार पाडावे असे आव्हान डीवायएसपी संकेत गोसावी यांनी केले आहे. यावेळी शहर व परिसरातील शांतता कमिटीच्या सर्व प्रमुख सदस्यासह अन्य प्रतिष्ठित व सुजान नागरिकांची उपस्थिती होती.