आशाताई बच्छाव
जाफराबाद- चिखली रोडवरील अपघातात युवकाचा मृत्यू, पत्नी व मुलगा गंभीर जखमी
जिल्हा प्रतिनिधी जालना -वसंतराव देशमुख
दिनांक 21/03/2024
साविस्तर वृत्त असे की, जाफराबाद तालुक्यातील सिपोरा अंभोरा येथील सामान्य कुटुंबातील यूवक साईनाथ सुरेश धायडे हे वरूडहून आपल्यागावी सिपोरा अंभोरा येथे जात असताना दि.19 मार्च रोजी रात्री नऊ ते दहा च्या दरम्यान जाफराबाद चिखली रोडवर सोनगीरी फाट्याजवळ अपघात होऊन साईनाथ हे ठार झाले आहेत. तसेच त्यांच्या सोबत असलेली त्यांची पत्नी व मुलगा हे गंभीर जखमी झाले असून त्यांना हॉस्पीटल मध्ये हलविण्यात आले आहे.सदरील घटनेत मृत्यू पावलेले साईनाथ हे जाफराबाद शहरातील सागर नाष्टा सेंटर येथे काम करून आपल्या कुटुंबाचा उदरनिर्वाह करीत होते.हलाखिची परिस्थिती असुन रोज -मजुरी करुन ते आपल्या संसाराचा गाडा हाकत होते अशातच त्यांच्यावर काळाने झडप घातली आणि होत्याचे नव्हते झाले. त्यांच्या अपघाती निधन झाल्यामुळे त्यांचे कुटुंब उघड्यावर पडले आहे.त्यांच्या या अपघाती मृत्यूमुळे जाफराबाद तालुक्यातून तसेच सिपोरा अंभोरा गावं वं परिसरातून हळहळ व्यक्त करण्यात येत आहे.
