आशाताई बच्छाव
पंढरपूर परिसरात चार्जिंग स्टेशन सुरू करावीत- अखिल भारतीय ग्राहक पंचायतीची महावितरणकडे मागणी
सोलापूर जिल्हा ब्युरो चीफ ज्ञानेश्वर निकम युवा मराठा न्यूज नेटवर्क
महावितरणने पंढरपूर परिसरात ई-वाहनांसाठी चार्जिंग स्टेशन सुरू करावीत अशी मागणी कार्यकारी अभियंता,पंढरपूर यांचेकडे सक्षम भेटुन केली असल्याची माहिती जिल्हा अध्यक्ष शशिकांत हरिदास यांनी दिली. सध्या सर्व प्रकारच्या वाहन निर्मितीत इलेक्ट्रीक वाहने मोठया प्रमाणात वापर केला जात आहे. इंधनाचे वाढते भाव व प्रदूषण रोखण्यासाठी भविष्यात त्याचा वापर वाढणार आहे. पंढरपूर तीर्थक्षेत्र असल्यामुळे येथेही देशाच्या विविध भागातून येणाऱ्या ई- वाहनांची संख्या मोठी असल्याने परिसरात चार्जिंग सुविधा उपलब्ध नाही त्यामुळे आलेल्या भाविकांना अडचणीचे होत आहे. त्यासाठी पंढरपूर परिसरात चार्जिंग स्टेशन सुरू होण्याची आवश्यकता आहे.यासाठी महावितरण विभागाने पंढरपूर शहर परिसरात १) कार्यकारी अभियंता कार्यालय परिसर,लिंक रोड २) सागोला रोड, सब स्टेशन (पारेषण कार्यालय परिसरात) ३) भडीशेगाव सब स्टेशन ४) पद्मावती स्टेशन परिसर या ठिकाणी चार्जिंग स्टेशन सुरू करावीत व ग्राहकांना आपली वेगळी सेवा उपलब्ध करून घावीयाची प्राधान्याने कार्यवाही करण्याची मागणी अधिक्षक अभियंता,सोलापूर यांच्याकडे अ.भा. ग्राहक पंचायतीचे प्राप्त सदस्य सुभाष सरदेशमुख, प्रांत कोषाध्यक्ष जिल्हा सचिव सुहास निकते , पांडुरंग अल्लापूरकर यांनी केली आहे.
