संगमनेर येथे संत इग्नाती चर्च मध्ये १४४ वा ख्रिस्ती वधू वर परिचय मेळावा संपन्न

आशाताई बच्छाव

श्रीरामपूर,( दिपक कदम तालुका प्रतिनिधी)-भोसले पतिष्ठानाने संगमनेर येथील संत इग्नाती चर्च मध्ये 144 व्या ख्रिस्ती वधू-वर परिचय मेळाव्याचे आयोजन केले होते. या सामाजिक उपक्रमाचे उदघाटन परमेश्वराने जोडलेल्या व मेळाव्याच्या माध्यमातून नुकत्याच विवाहबद्ध झालेल्या नवविवाहितांच्या हस्ते करण्यातआले. यावेळी उपस्थित पालकांना सन्माननीय लाजारस केदारी, बी. के. गायकवाड सर आणि सुखदेव शेळके यांनी सविस्तर मार्गदर्शन केले. ग्रामीण भागासाठी आयोजित केलेल्या या सामाजिक उपक्रमात पालक व विवाहेच्छुकांची उपस्थिती 115 हुन अधिक दिसून आली. सम्पूर्ण कार्यक्रमाचे सुत्रसंचालन संयोजक श्रीधर भोसले यांनी केले. प्रकाश भोसले यांनी आभार मानले.