आशाताई बच्छाव
कृषी महाविद्यालयात माजी विद्यार्थी मेळावा
सोनई, ता.९. कारभारी गव्हाणे: मुळा एज्युकेशन संस्थेच्या कृषी महाविद्यालयात संस्थेचे उपाध्यक्ष उदयन गडाख यांच्या प्रमुख उपस्थितीत माजी विद्यार्थी मेळावा उत्साहात झाला. यावेळी असोसिएशन कार्यालयाचे उदघाटन विद्यार्थ्यांच्या हस्ते करण्यात आले.
महाविद्यालयाच्या सभागृहात झालेल्या कार्यक्रमाच्या अध्यक्षस्थानी प्राचार्य डॉ. हरी मोरे होते. ‘मुळा’चे सहसचिव डॉ. विनायक देशमुख, उपप्राचार्य प्रा. सुनील बोरुडे, प्रा. विजय गवांदे, माजी विद्यार्थी व शिरपूरचे नायब तहसीलदार अधिकार पेंढारकर, सहायक पोलिस निरीक्षक गजेंद्र इंगळे, रोहित
पाटील, सागर इंगळे उपस्थित होते. माजी विद्यार्थी व नगरचे कृषी अधिकारी सुधाकर बोराळे यांचे भाषण झाले. उदयन गडाख म्हणाले, आयुष्यात मित्र परिवार खूप महत्त्वाचा असून, शालेय जीवनातील मित्रत्व आनंदाची देणगी असते. एकत्र येऊन केलेले सामाजिक कार्य इतर मित्रांसाठी प्रेरणादायक असते, असेही त्यांनी सांगितले. कृषी महाविद्यालय अॅल्युमिनी असोसिएशनचे अध्यक्ष प्रा. अनुप दरंदले, उपाध्यक्ष प्रा. नरेंद्र दहातोंडे व सचिव योगेश दरंदले यांचा संस्थेतर्फे सत्कार करण्यात आला. दुसऱ्या सत्रामध्ये सांस्कृतिक कार्यक्रम पार पडला. अमित मखरे यांनी आभार मानले.
