आशाताई बच्छाव
देगलूर महाविद्यालयाच्या राष्ट्रीय सेवा योजना शिबिरात
जादूटोणा विषयी समाज प्रबोधन..
देगलूर तालुका प्रतिनिधी, (गजानन शिंदे)
देगलूर: ग्रामीण भागात आजही जादूटोण्याविषयी समाजामध्ये गैरसमज दिसून येतो यामुळे अंधश्रद्धा पसरविण्याचे काम अनेक जण करीत असतात, याकरिता समाज प्रबोधनासाठी जादूटोणाविरोधी कायदा जनजागृती होणे गरजेचे आहे असे मत मच्छिंद्र गवाले यांनी मांडले.
देगलूर महाविद्यालयाच्या वतीने मौजे रामपूर येथे राष्ट्रीय सेवा योजनेचे ३१जानेवारी ते ६ फेब्रुवारी दरम्यान शिबिर आयोजित करण्यात आले आहे.
याअंतर्गत विविध सामाजिक शैक्षणिक कार्यक्रमाचे आयोजन केले आहे,चौथ्या दिवशीच्या कार्यक्रमांतर्गत अंधश्रद्धा विषयावर मच्छिंद्र गवाले यांचे व्याख्यान आयोजित करण्यात आले होते यावेळी व्यासपीठावरून बोलत होते ,
अंधश्रद्धा निर्मूलनावर विविध प्रयोगाद्वारे व उदाहरणाचे दाखले देत सखोल मार्गदर्शन केले, यावेळी जादूटोणाविषयी समाजजागृती ची आवश्यकता आहे याकरिता प्रत्येकाने प्रयत्न केले पाहिजे असे आवाहन देखील त्यांनी केले .
देगलूर महाविद्यालयाचे कार्यक्रमाधिकारी प्रा.व्ही एन काळे,प्रा व्ही.ए. खंदकुरे प्रा.जी एम क्यादारे , रत्नाकर चिद्रावार ,तसेच रामपूर गावचे सरपंच राम पांडवे सह ग्रामस्थ, विद्यार्थी उपस्थित होते.
