आशाताई बच्छाव
गेवराई येथे जुगार अड्ड्यावर एसपींच्या पथकाचा छापा
मोहन चव्हाण
ब्युरो चिफ बीड जिल्हा
बीड/गेवराई दि:१९ येथील पोलीस ठाण्याच्या हद्दीत पोलीस अधीक्षक पथक प्रमुख सपोनि गणेश मुंडे व त्यांच्या पथकातील कर्मचाऱ्यांनी गढी पुलाजवळील पत्राच्या शेडमध्ये धाड मारत चार जणांना ताब्यात घेतले आहे.या कारवाईत ५१ हजार ६०० रुपयांचा मुद्देमाल जप्त करण्यात आला आहे. पोलीस अधीक्षक यांच्या पथकाच्या कारवाया जिल्हाभरात सुरू असतात. गेवराई पोलीस ठाण्याच्या हद्दीत असणाऱ्या गढी उडान पुलाजवळील एका पत्र्याच्या शेडमध्ये जुगार अड्डा सुरू असल्याची माहिती सपोनि गणेश मुंडे यांना मिळाली होती. त्यानुसार येथे छापा मारून चार जणांना पोलिसांनी ताब्यात घेतले आहे.याप्रकरणी सुनील नारायण धोत्रे, प्रदीप बाजीराव मनोहर, प्रल्हाद बाबुराव देवकते सह मटका बुकी घेत असलेल्या राहुल खंडागळे वर गुन्हा दाखल करण्यात आला आहे.
