आशाताई बच्छाव
देगलूर महाविद्यालयाचे संशोधक विद्यार्थी दत्तात्रय बडूरे यांना पीएच डी प्रदान.
देगलूर तालुका प्रतिनिधी, (गजानन शिंदे)
देगलूर :येथील अ.व्या.शिक्षण संस्था संचलित देगलूर महाविद्यालय देगलूरचे हिरक महोत्सवी वर्ष आहे. या महाविद्यालयाने तेलंगणा कर्नाटक आणि महाराष्ट्र या तिन्ही राज्यांच्या सीमेवर मराठी अस्मिता जोपासत यशस्वी वाटचाल सुरू ठेवली आहे. मराठी तेलगु आणि कन्नड या त्रैभाषिक रसायन असलेल्या मुलुखात मराठी भाषा संवर्धन आणि संगोपन करण्यासाठी मराठी विभाग प्रयत्नशीलआहे. भाषा संशोधनासाठी मराठी भाषा – साहित्य संशोधन केंद्र कार्यरत आहे. या अंतर्गत संशोधक प्रा. दत्तात्रय मष्णाजी बडुरे यांनी मार्गदर्शक डॉ. विठ्ठल जम्बाले यांच्या मार्गदर्शनाखाली पीएच. डी. पदवी प्राप्त केली आहे. याकरिता त्यांनी स्वामी रामानंद तीर्थ मराठवाडा विद्यापीठ नांदेड यांच्याकडे “सदानंद देशमुख आणि बाबाराव मुसळे यांच्या कादंबऱ्यांचा तुलनात्मक अभ्यास” या विषयावर शोधप्रबंध सादर केला होता.
संशोधकांचे अभिनंदन अडत व्यापारी शिक्षण संस्थेचे अध्यक्ष प्रकाश पाटील बेंबरेकर, सचिव शशिकांत चिद्रावार, उपाध्यक्ष नारायणराव मैलागिरे, कोषाध्यक्ष विलास तोटावार, सहसचिव सूर्यकांत नारलावार, राजकुमार महाजन, डॉ कर्मवीर उनग्रतवार, जनार्दन चिद्रावार, गोविंदप्रसाद झंवर, रवींद्र द्याडे, प्राचार्य डॉ. मोहन खताळ, उपप्राचार्य डॉ. अनिल चिद्रावार,उपप्राचार्य प्रा. उत्तमकुमार कांबळे आणि गोविंद जोशी , शिक्षकेतर कर्मचारी आणि प्राध्यापक वृंद यांनी करीत आहेत.