आशाताई बच्छाव
फरार आरोपी पोलिसांच्या जाळ्यात
चाळीसगाव प्रतिनिधी विजय पाटील- चाळीसगाव शहर पेालीस ठाण्यात दाखल एका गंभीर गुन्ह्याप्रकरणी गेल्या वर्षभरापासून फरार असलेल्या व टोळी प्रमुख हैदरअली आसिफ अली यास चाळीसगाव शहर पोलीसांनी शिताफीने अटक केली आहे.
पोलीसांनी दिलेल्या माहिती नुसार दिनांक 18/11/2022 रोजी रात्री 9 वाजेच्या सुमारास आण्णा कोळी यांचे घरासमोर, छाजेड ऑईल मिलच्या मागे, चाळीसगाव येथे
हैदर अली आसिफ अली व त्याचे सोबत असलेल्यानी फिर्यादी वैभव अरुण रोकडे (24) व साक्षीदारांना जिवे ठार मारण्याच्या उद्देशाने लाकडी दांडके व चॉपरने फिर्यादीच्या डोक्यात व साक्षीदाराच्या मांडीवर घाव घालून गंभीर दुखापत केली होती.
या प्रकरणी चाळीसगांव शहर पोलीस ठाण्यात गुन्हा दाखल केला होता. या गुन्ह्यातील टोळी प्रमुख हैदर अली आसिफ अली हा आज पावेतो फरार होता. पोलीस निरीक्षक संदीप पाटील यांच्या पथकातील
उपनिरीक्षक सुहास आव्हाड, पोलीस नाईक महेंद्र पाटील, भुषण पाटील, पोकॉ.विजय पाटील, अमोल भोसले, पवन पाटील, ज्ञानेश्वर पाटोळे, प्रकाश पाटील, महिला हवालदार विमल सानप
यांनी दि.19 रोजी महेंद्र पाटील यांना हैदर अली हा त्याच्या राहते घरी आलेला असल्याची गुप्त माहीती मिळाली. यावरून निरीक्षक संदीप पाटील यांच्या आदेशाने आरोपी हैदर अली यास त्याचे घरून ताब्यात घेतले.
हैदरअली याच्या विरूद्ध आज पावेतो शरीराविरुध्दचे 11, मालाविरुध्दचा 1, महिला अत्याराविरुध्दचा 1 असे एकुण 13 गुन्हे दाखल आहेत. तसेच त्यास 2 वेळा हद्दपार व 1 वेळा A कायद्यान्वये कारवाई करण्यात आलेली आहे.
त्यास न्यायालयात हजर केले असता पेालीस कोठडी मिळाली. या गुन्ह्याचा तपास पोलीस निरीक्षक संदीप पाटील यांच्या मार्गदर्शनाखाली सहाय्यक निरीक्षक दिपक बिरारी, हवालदार विनोद भोई, पोकॉ. प्रकाश पाटील हे करीत आहेत.
