आशाताई बच्छाव
लासलगाव येथे संघर्ष योद्धा स्व. गोपीनाथ मुंडे यांना भाजपा मंडला च्या वतीने अभिवादन—
दैनिक युवा मराठा
रामभाऊ आवारे निफाड
भारतीय जनता पार्टी लासलगाव मंडला च्या वतीने लासलगाव मंडल उपाध्यक्ष रवींद्र होळकर यांच्या नेतृत्वात मंडल अध्यक्ष निलेश सालकाडे यांच्या अध्यक्षतेखाली स्वर्गीय संघर्ष योद्धा आदरणीय गोपीनाथ जी मुंडे यांच्या जयंती निमित अभिवादन व प्रतिमा पूजन कार्यक्रम संपन्न झाला आहे.
लासलगाव शहर अध्यक्ष शेखर होळकर ,जिल्हा सरचिटणीस महिला मोर्चा स्मिताताई कुलकर्णी, डॉ विलास कांगणे, जेष्ठ नेते योगेश पाटील ,दतुलाल शर्मा यांच्या मार्गदर्शनात सदरील कार्यक्रम पार पडला. मंडल उपाध्यक्ष रवींद्र होळकर, प्रमूख अतिथी डॉ कांगणे विशाल पालवे यांनी प्रतिमेला पुष्पहार अर्पण करून कार्यक्रमास सुरुवात केली. डॉ विलास कांगणे यांनी गोपीनाथजी यांचा भाजपा साठीची पक्ष बांधणी प्रवास, आज त्याची खऱ्या अर्थाने समाजाला असणारी गरज व त्यांचे आदर्श घेऊन आपण वाटचाल केली पाहिजे. आजच्या सामूहिक कार्यक्रमासाठी प्रमुख अतिथी म्हणून दिलेल्या सन्मानासाठी धन्यवाद व्यक्त केले. तसेच ब्राह्मण महासंघ विश्वस्त तथा भाजपा नाशिक जिल्हा सरचिटणीस महिला मोर्चा स्मिता ताई कुलकर्णी यांनी
अमोघ वक्तृत्व ,अद्वितीय लोकनेता, एक समर्पित संघर्ष योद्धा अश्या शब्दात गोपिनाथ जी यांना आदरांजली समर्पित केली.मूठभर कार्यकर्ते पेरून, असंख्य नेते पिकवण्यासाठी काबाड कष्ट करणारा, तसेच देशभर उपेक्षितांचा आवाज व स्वाभिमान जिवंत ठेवणारा दुहेरी हाडाचा नेता म्हणजे गोपीनाथरावजी मुंडे साहेब त्यांचे कार्य डोळ्यासमोर ठेवून वाटचाल करण्याची गरज असे मनोगत व्यक्त केले तसेच मंडल उपाध्यक्ष रवींद्र होळकर यांनी माहित नाही कुणाचा जन्म कुणास काय देऊन गेला हा लोकनेता आम्हाला आमची ओळख देऊन गेला असे अभिवादन व्यक्त करत उपस्थित सर्वांचे आभार मानले. कार्यक्रमास प्रमुख जिल्हा मंडल प्रत्येक आघाडी अध्यक्ष उपस्थित होते. यावेळी उद्योग आघाडी मंडल अध्यक्ष नितिन शर्मा, सरचिटणीस निलेश जगताप, उपाध्यक्ष टाकळी सोमनाथ गांगुर्डे ,भोलादादा पवार, प्रकाश खलसे, पिंपळगाव नजीक दीपक कुलकर्णी, संतोष पवार, पाचोरा उत्तम नागरे, ब्राह्मण गाव गणेश फड बाळासाहेब होळकर मयूर वाघचौरे व परिसरातील बांधव उपस्थित होते.
