आशाताई बच्छाव
टोम्पे महाविद्यालयात महात्मा फुले यांना अभिवादन
मयुर खापरे चादुंर बाजार
चांदूरबाजार :
स्थानिक गो. सी. टोम्पे कला, वाणिज्य व विज्ञान महाविद्यालयात राष्ट्रीय सेवा योजनेच्या वतीने महात्मा ज्योतिबा फुले यांच्या पुण्यतिथीनिमित्त अभिवादनाचा कार्यक्रम संपन्न झाला. यावेळी महाविद्यालयाचे प्राचार्य डॉ. राजेंद्र रामटेके, डॉ. रवींद्र डाखोरे, डॉ, जयंत बनसोड, राष्ट्रीय सेवा योजना कार्यक्रमाधिकारी डॉ. प्रवीण परिमल, आयक्यूएसी कॉर्डिनेटर डॉ. नंदकिशोर गव्हाळे, डॉ. धनंजय बिजवे, डॉ. प्रिया देवळे, डॉ. निधी दीक्षित, डॉ. ज्ञानेश्वर वारंगे, डॉ. संजय कोठारी, डॉ. प्रशांत सातपुते, डॉ. आशुतोष राजगुरे, डॉ. लालबा दुमटकर, प्रा. मंजुषा पवार, शिक्षकेतर कर्मचारी श्री नितीन तसरे, श्री गोपाल प्रामुख्याने उपस्थित होते. याप्रसंगी प्राचार्य डॉ. राजेंद्र रामटेके यांनी महात्मा फुले यांच्या प्रतिमेस अभिवादन करून म्हणाले, महात्मा फुले यांनी शेतकरी, शेतमजूर, कष्टकरी, दलित यांच्यासाठी शैक्षणिक, सामाजिकदृष्ट्या मोठे कार्य केले. विशेषत: मुलीसाठी शिक्षणाची द्वारे खुले केले. आज महिला शिकून ज्या मोठ्या पदावर विराजमान आहेत ते सर्व महात्मा फुले आणि सावित्रीबाई फुले यांच्या महान कार्यामुळेच असे म्हणाले.
या कार्यक्रमाचे सूत्रसंचालन व आभार महिला कार्यक्रमाधिकारी डॉ. युगंधरा गुल्हाने यांनी केले.
