आशाताई बच्छाव
बँकेतून काढलेली 3 लाखांची रक्कम
पळवली
चाळीसगाव प्रतिनिधी विजय पाटील – वृद्ध ग्राहकाने बँकेतून काढलेली 3 लाख रूपयांची रोकड असलेली पिशवी दुचाकीला टांगली असताना भामट्याने मोटारसायकलला लटकावलेली पिशवीतील 3 लाखांची रोकड लंपास केल्याचा घटना 7 रोजी घडली असून याप्रकरणी अज्ञात भामट्याच्या विरोधात शहर पोलीसात गुन्हा दाखल करण्यात आला आहे.चोरीचा हा प्रकार सीासीटीव्ही फुटेजमध्ये कैद झाला असून पोलीसांनी चोरट्यांची ओळख पटत असल्यास शहर पोलीसंाशी संपर्क साधण्याचे आवाहन केले आहे.
शहराला लागून असलेल्या ओझर येथील राजेंद्र तान्हीराम वाणी (57) यांनी 7 दुपारी स्टेशन रोडवरील बँक ऑफ बडोदा शाखेतून तीन लाख रूपये काढले.हे पैसे त्यांनी प्लास्टीक पिशवीत ठेवले व ती पिशवी त्यांनी आपल्या दुचाकीच्या मागच्या सिटच्याजवळ असलेल्या हुकला लटकावली 3 लाखांची रोकड असलेली पिशवी भामट्याने हातोहात लंपास करीत दुचाकीवर आलेल्या भामट्यासह पोबारा केला. वाणी यांच्या फिर्यादीवरून चाळीसगाव शहर पोलीस स्टेशनला अज्ञात चोरट्याच्या विरोधात गुन्हा दाखल करण्यात आला आहे. पोलीसांनी या फुटेजच्या आधारे चोरी करणाऱ्या भामट्यांची ओळख पटत असल्यास चाळीसगाव शहर पोलीस स्टेशनचे पोलीस निरीक्षक संदीप पाटील(मोबा.9850087456), उपनिरीक्षक सुहास आव्हाड (मोबा.8850126718), उपनिरीक्षक योगेश माळी (मोबा.7972005639) व हवालदार योगेश बेलदार (मोबा.7020316335) यांच्याशी संपर्क साधावा असे आवाहन केेले आहे.