आशाताई बच्छाव
माजी महापौर ललित कोल्हे यांचे वडील, तसेच माजी नगर सेवक, समाजसेवक विजयराव (बापूसाहेब) यांचे दीर्घ आजाराने निधन
योगेश पाटील, जळगांव.
जळगाव शहराचे माजी नगरसेवक विजयराव (बापूसाहेब) कोल्हे वय – ७० यांचे गुरुवारी सायंकाळी दीर्घ आजाराने निधन झाले. गेल्या काही दिवसापासून त्यांच्यावर उपचार सुरू होते. ते माजी महापौर ललित कोल्हे यांचे वडील तर शिवसेना महिला जिल्हाअध्यक्षा सरिता माळी कोल्हे यांचे सासरे होते. त्यांची अंतयात्रा आज दुपारी १ वाजता राहत्या घरून निघेल.
स्वातंत्र्यसैनिक पंडितराव कोल्हे यांचे चिरंजीव असणाऱ्या विजयबापूंनी त्यांचा समाजसेवेचा वारसा समर्थपणे चालविला. ऐशीच्या दशकात तत्कालीन जळगाव नगर पालिकेपासून आपल्या कारकिर्दीचा श्रीगणेशा करणाऱ्या विजयबापूंनी सातत्याने जवळपास ३५ ते ४० वर्षे नगरसेवकपद भूषविले. त्यांच्या सौभग्यावती सिंधूताई कोल्हे यांना नगराध्यक्षपद तर चिरंजीव ललीतभाऊ यांना महापौरपदाची संधी देखील मिळाली. विजय बापू यांच्या निधनामुळे समाजातील सर्व स्तरांमधून शोक व्यक्त करण्यात येत आहे.
