आशाताई बच्छाव
विद्यार्थ्यांच्या सर्वांगिण प्रगतीसाठी संस्था कटिबद्ध डॉ. शुभांगिताई पूर्णपात्रे…..
चाळीसगाव,प्रतिनिधी विजय पाटील – डॉ. सौ. प्रमिलाताई पूर्णपात्रे प्राथमिक विद्यालय चाळीसगाव येथे दि. 4/10/ 23रोजी शिशुविहार शैक्षणिक संस्थेच्या सचिव डॉ. सौ. शुभांगीताई पूर्णपात्रे यांच्या अध्यक्षतेखाली माता – पालक संघची सभा संपन्न झाली.
यावेळी प्रमुख पाहुणे म्हणून बालरोग तज्ज्ञ डॉ. सौ. पल्लवी पाटील उपस्थित होत्या. मंचावर मुख्याध्यापक रमेश सोनवणे, माता – पालक संघच्या उपाध्यक्षा सौ. सोनाली नरेंद्र पाटील व शिक्षक राजेंद्र वराडे उपस्थित होते. प्रास्ताविक मांडताना मुख्याध्यापक रमेश सोनवणे यांनी केले. यावेळी माता – पालक संघच्या उपाध्यक्षा पदी सोनाली पाटील यांची निवड करण्यात आली. अध्यक्षीय मनोगतात डॉ. सौ. शुभांगीताई पूर्णपात्रे यांनी विद्यार्थ्यांच्या सर्वांगीण विकासासाठी महत्वपूर्ण भूमिका असलेल्या माता- पालकांना मार्गदर्शन केले. यावेळी 11 सप्टेंबर रोजी शाळेत आयोजित आजी – आजोबा दिवस निमित्ताने मनोरंजक खेळ संगीतखुर्चीत विजेत्या आजी – आजोबांना मान्यवरांच्या हस्ते शाल, श्रीफळ, गुलाबपुष्प व प्रमाणपत्र देऊन गौरविण्यात आले. सूत्रसंचालन लता निकम यांनी केले तसेच प्रमुख पाहुण्यांचा परिचय वैशाली पाटील मॅडम यांनी केला, आजी-आजोबा संगीतखुर्ची विजेत्यांचे यादी वाचन रेणुका साळुंखे यांनी केले आभार मनिषा पाटील यांनी मानले.
