आशाताई बच्छाव
म.न.पाअमरावतीतर्फे
श्री अंबादेवी नवरात्री उत्सवात एकुण १५१ खुले प्लॉट इच्छुक व्यवसायीधारकांना व्यवसाय करण्याकरीता वितरीत करण्यात येणार.
—————————-
दैनिक युवा मराठा वृत्तसंकलन.
अमरावती.
विभागीय संपादक.
पी.एन.देशमुख.
अमरावती .
महानगरपालिका क्षेत्रात दरवर्षी संपन्न होणा-या श्री अंबादेवी नवरात्री उत्सव दरम्यान मंजुर नकाशा प्रमाणे राजकमल चौक ते गांधी चौक पर्यंत रस्त्याचे दुतर्फा एकुण १५१ खुले प्लॉट ५*७=३५ चौ.फूट जागा इच्छुक व्यवसायीधारकांना व्यवसाय करण्याकरीता वितरीत करण्यात येते. याकरीता इच्छुक व्यवसायीकांकडून शासकीय दर रुपये ५११०/- + १८% टक्के जि.एस.टी. सह जास्तीत जास्त दराचे ऑफर मुल्याचे कोटेशन निविदा मागविण्यात येत आहे.
सविस्तर माहितीसह विहीत नमुन्यातील निविदा प्रपत्र तसेच अटी व शर्ती रु.५००/- + १८ % जीएसटी रोखीने भरुन दिनांक ३/१०/२०२३ ते दिनांक ९/१०/२०२३ पर्यंत दुपारी ५.०० वाजेपर्यंत कोटेशन फॉर्म प्राप्त करता येईल. सिलबंद कोटेशन दिनांक १०/१०/२०२३ रोजी दुपारी ५.०० वाजेपर्यंत बाजार व परवाना विभाग या कार्यालयात दाखल करता येईल. तसेच दिनांक ११/१०/२०२३ रोजी दुपारी १२.०० वाजता मा.उपायुक्त (सा.) यांचे कार्यालयात उपस्थितांसमोर उघडण्यात येईल.
या संबंधीत अटी व शर्ती बाजार व परवाना विभाग, राजापेठ, महानगरपालिका हॉटेल, ग्रेस इन मागे, झोन क्र.२ पहिला माळा, अमरावती या कार्यालयात पाहावयास मिळतील किंवा महानगरपालिकेचे संकेत स्थळावर https://www.amravaticorporation.in वर माहिती उपलब्ध राहतील.
इच्छुकांनी विहीत प्रपत्रात आपली निविदा वर दिलेल्या मुदतीत वेळीच सादर करावी असे आवाहन बाजार व परवाना विभाग, महानगरपालिका, अमरावती यांनी केले आहे.