आशाताई बच्छाव
पाटणा देवी दर्शनाला जाण्यासाठी पुल नाही….
पुरातन विभाग मुद्दाम याकडे दुर्लक्ष करत आहे – सरपंच नितीन पाटील..
चाळीसगाव प्रतिनिधी विजय पाटील- तालुक्यातील पाटणा येथे भव्य असे पुरातन मंदिर असून याठिकाणी घनदाट जंगल असल्याने भाविक व पर्यटक मोठ्या प्रमाणात येत असतात मात्र बारा वर्षापासून पाटणादेवी मंदिरावर जाण्यासाठी नदीवर पूल नाही यामुळे नदीला पूर आल्यास भाविकांना दर्शनासाठी जाता येत नाही पुरातन विभाग मुद्दाम याकडे दुर्लक्ष करत आहे का असा सवाल पाटणा गावचे सरपंच नितीन पाटील यांनी उपस्थित केला आहे.
मागील वर्षी आमदार मंगेश दादा यांनी हे बघितल्यानंतर यासाठी निधी उपलब्ध करून दिला परंतु पुरातन विभागाने याला मंजुरी दिली नाही आणि ते स्वतःही पूल करत नाही यामागे त्यांचा काय उद्देश आहे असे ही त्यांनी म्हटले आहे या ठिकाणी भाविक मेले पाहिजेत असे आता आम्हाला पाटणा परिसरातील लोकांना वाटायला लागलेले आहे आम्ही पाटणा ग्रुप ग्रामपंचायत आमदार मंगेश दादा यांना भेटलो त्यांनी परत पुलासाठी निधी उपलब्ध करून दिला परंतु पुरातन विभागाच्या अडमुठ धोरणामुळे परवानगी मिळत नाही आणि पुरातन विभाग स्वतःही करत नाही फक्त देवी जवळील पैसा सोने नाणे साड्या ओटी जमा करण्यासाठी येतात आणि निघून जातात आम्ही गावातील नागरिकांनी कुठलीही जीवित हानी होऊ नये म्हणून छोटया व तुटलेल्या पुलावर लोकांना जाण्यासाठी दोर बांधलेले आहेत सिमेंट बोरी भरून ठेवलेली आहे परंतु त्या वाहून जातात पुरातन विभाग याकडे कधी लक्ष देणार मोठी जीवित हानी झाल्यावर लक्ष देतील काय असे सर्व महाराष्ट्रातील भाविकांना आता वाटायला लागलेले आहे. हा मंदिराकडे जाणारा पूल होऊ नये म्हणून पुरातन विभागातील काही अधिकाऱ्यांचा स्वार्थ आहे का असेही नितीन पाटील यांनी सांगितले आहे