आशाताई बच्छाव
गुरुकुल विद्यालय भातकुली येथे केंद्र भातकुली ची शिक्षण परिषद संपन्न.
भातकुली / प्रतिनिधी धनराज खर्चान
भातकूली – दि.३० सप्टेंबर २०२३ रोजी पं. स.भातकुली अंतर्गत केंद्र भातकुली मधिल सर्व माध्यमाच्या, सर्व व्यवस्थापनाच्या शाळेतील मुख्याध्यापक, विषय शिक्षक,सहायक शिक्षक यांच्या शिक्षण परिषदेचे आयोजन छोगालाल राठी गुरुकुल विद्यालय भातकुली येथे करण्यात आले होते.
सर्वप्रथम आद्यशिक्षिका,क्रांतीज्योती सावित्रीबाई फुले यांच्या प्रतिमेचे मान्यवरांच्या हस्ते पूजन करून प्रतिमेला हारार्पण करण्यात आला. व उपस्थित मान्यवर,तज्ञ मार्गदर्शक यांचे पुष्पगुच्छ देवून तसेच वर्ग ८ वी.मधील विद्यार्थ्यांनी स्वागत गीताने पाहुण्यांचे स्वागत केले.
या शिक्षण परिषदेला संतोष घुगे (शिक्षण विस्तार अधिकारी, पं. स.भातकुली) यांनी भेट देवून उपस्थित शिक्षक बंधू भगिनींना मार्गदर्शन केले.
या शिक्षण परिषदेमध्ये खालील विषयावर चर्चा करण्यात आली.
(१) शालेय नेतृत्व विकास.
(२)FLN साठी केलेल्या नाविन्यपूर्ण उपक्रमाचे सादरीकरण.
(३)गणित अध्ययन अध्यापन.
(४)समावेशीत शिक्षण संबंधी विषय.
(५)गणित विभाग विविध उपक्रम व अध्ययन अध्यापन
(६)नवोपक्रम पूर्व तयारी.
(७)जिवन कौशल्य स्व ची जाणीव (self Awearness)
या विषयावर स्वाती यावले (सहा.शिक्षिका कवठा बहाळे) दीपाली पांडे (सहा शिक्षिका, चाकूर) व शैलेंद्र दहातोंडे ( केंद्रप्रमुख भातकुली) यांनी मार्गदर्शन केले.
शिक्षण परिषदेला प्रमुख अतिथी म्हणून संतोष घुगे (शिक्षण विस्तार अधिकारी,पं. स.भातकुली.),गजानन लेंडे (मुख्याध्यापक छोगालाल राठी गुरुकुल विद्यालय भातकुली),सुरेखा अटाळकर (केंद्र मुख्याध्यापिका भातकुली मुले), उमक मॅडम (मुख्याध्यापिका जडावबाई राठी कन्या विद्यालय भातकुली) व शैलेंद्र दहातोंडे (केंद्रप्रमुख भातकुली) उपस्थित होते तसेच शिक्षण परिषदेला केंद्र भातकुली मधिल सर्व व्यवस्थापनाच्या, सर्व माध्यमांच्या सर्व शाळांचे मुख्याध्यापक,विषय शिक्षक,सहायक शिक्षक उपस्थित होते.
शिक्षण परिषदेचे संचालन शैलेंद्र दहातोंडे यांनी केले तर आभार प्रदर्शन ताहेर नूर यांनी केले.शिक्षण परिषदेच्या यशस्वितेकरिता छोगालाल राठी गुरुकुल विद्यालय भातकुली मधिल सर्व शिक्षक बंधू भगिनींनी मोलाचे सहकार्य केले.
