आशाताई बच्छाव
गणेश विसर्जनाच्या दिवशी नाशिकमध्ये तीन घटनांमध्ये पाच तरुण बुडाले नाशिक,(दिलीप चव्हाण ब्युरो चीफ)
गणेश विसर्जनाच्या दिवशी नाशिकमध्ये तीन वेगवेगळ्या घटनेत पाच तरुण बुडाले आहेत. चेहेडी संगमेश्वर परिसरात एक महाविद्यालयीत तरुण बुडाला आहे. पंचवटीत गाडगे महाराज पुलाखाली बुडालेल्या दोघांचा शोध सुरू आहे.
गुरुवारी दिवसभरात वेगवेगळ्या तीन घटनेतील दोघांचे मृतदेह मिळाले असून इतर तिघांचा शोध सुरू आहे. शहरातील गोदावरी नदीत दोन आणि इगतपुरीतील वालदेवी धरणात दोन जण बुडाल्याची घटना समोर आली आहे.
अनंत चतुदर्शीनिमित्त गुरुवारी सकाळपासून गणेश विसर्जन मिरवणुकी मोठ्या उत्साहात सुरू होत्या. मात्र विसर्जन मिरवणुकीनंतर विसर्जनादरम्यान गालबोट लागल्याची घटना सायंकाळच्या सुमारास घडल्या आहेत. शहरातील रामकुंड परिसरातील गाडगे महाराज पुलाजवळील घाटावर दोन जण बुडाले. हे गणेश भक्त मूर्ती विसर्जनासाठी गेले होते. त्यांची शोधमोहीम अजूनही सुरूच आहे. दुसऱ्या एका घटनेत इगतपुरी तालुक्यातील वालदेवी धरणात दोन तरुण बुडाले आहेत. या दोघांचेही मृतदेह धरणातून बाहेर काढले आहेत. यंदा वालदेवी धरण परिसरात विसर्जनासाठी प्रशासनाने बंदी घातली होती, तरीही नागरिकांकडून मोठ्या संख्येने येथे जमून गणेश विसर्जन केले.
