आशाताई बच्छाव
मालेगांव पंचायत समितीच्या गणपती बाप्पांचे उत्साहात विसर्जन (प्रतिनिधी आंशूराज पाटील -राऊत)
मालेगांव-येथील पंचायत समिती कार्यालयातील कर्मचाऱ्यांनी स्थापना केलेल्या गणरायांचे काल सातव्या दिवशी उत्साहात विसर्जन करण्यात आले.
प्रतिवर्षी प्रमाणे या वर्षी सुध्दा कर्मचाऱ्यांनी गणपती बाप्पांची स्थापना केली होती.अत्यंत उत्साही वातावरणात दररोज पुजाअर्चा व आरती करण्यासोबतच बाप्पांची मनोभावे आराधना केली जात होती.काल सातव्या दिवशी पंचायत समिती कर्मचाऱ्यांनी महाप्रसादाचे आयोजन केले होते.महाप्रसादाचा लाभ शासकीय कर्मचाऱ्यांसह ग्रामीण भागातून कामासाठी आलेल्या नागरीकांनी घेतला.तर सायंकाळी गणरायांचे अत्यंत उत्साही वातावरणात “गणपती बाप्पा मोरया,पुढच्या वर्षी लवकर या”च्या जयघोषात विसर्जन करण्यात आले.यावेळी पंचायत समितीच्या महिला व पुरुष कर्मचाऱ्यांनी मनमुराद नाचून बाप्पाला अखेरचा निरोप दिला.गटविकास अधिकारी भरत वेंदे आणि वेगवेगळ्या विभागाच्या अधिकारी ,कर्मचाऱ्यांनी या मिरवणूकीत सहभाग घेतला त्यामुळे काही काळ पंचायत समितीला धार्मिक स्वरुप प्राप्त झाले होते.
