आशाताई बच्छाव
खा. प्रतापराव पाटील चिखलीकर यांच्या प्रयत्नामुळे युपिएससी च्या 53 विद्यार्थ्यांना अनुभवता आले संसदीय कामकाज
नांदेड जिल्हा प्रतिनिधी मनोज बिरादार
नांदेड : प्रशासकीय सेवेत सहभागी होऊन देशाच्या लोकशाहीला अधिक बळकट करण्याचे अनुषंगाने प्रयत्नशील असलेल्या आणि एमपीएससी, यूपीएससीची तयारी करणाऱ्या 53 विद्यार्थ्यांना खा.प्रतापराव पाटील चिखलीकर यांच्यामुळे भारतीय संसदेचे कामकाज प्रत्यक्ष अनुभवता आले . दिनांक 27 जुलै आणि आज 28 जुलै रोजी ५३ विद्यार्थ्यांनी संसदीय कामकाजाचा प्रत्यक्ष अनुभव घेतला.
लोकसभेचे कामकाज कसे चालते, कामकाजाच्या पद्धती , प्रशासकीय कामकाजाचा अनुभव या सर्व बाबी एक कोतवालाचा विषय असतो त्यामुळे संसदेत प्रत्यक्ष बसून कामकाज पाहण्यासाठी अनेक जण उत्सुक असतात. भारतीय प्रशासकीय सेवेत दाखल होणाऱ्या विद्यार्थ्यांसाठी तर ही पर्वणीच असते. या अनुषंगाने दिल्ली येथे एमपीएससी यूपीएससी ची तयारी करणाऱ्या 53 विद्यार्थ्यांनी खा.प्रतापराव पाटील चिखलीकर यांची भेट घेऊन संसदीय कामकाजाचा प्रत्यक्ष अनुभव देण्याची संधी उपलब्ध करून देण्याची विनंती केली होती. त्यानुसार खा.प्रतापराव पाटील चिखलीकर यांनी लोकसभेतील संसदीय कामकाजाचा अनुभव विद्यार्थ्यांना पाहता यावा यासाठी लोकसभेचे अध्यक्ष ओम बिर्ला यांच्याकडे पत्र व्यवहार करून परवानगी मागितली होती. लोकसभेचे अध्यक्ष बिर्ला यांनी खा. प्रतापराव पाटील चिखलीकर यांच्या मागणीकडे सकारात्मक प्रतिसाद देत 53 विद्यार्थ्यांना टप्प्याटप्प्याने संसदेचे प्रत्यक्ष कामकाज पाहण्यासाठी संधी उपलब्ध करून दिली . त्यानुसार काल दिनांक २७ जुलै रोजी 25 विद्यार्थ्यांना संसदेचे प्रत्यक्ष कामकाज पाहता आले तर आज दिनांक 28 जुलै रोजी 28 विद्यार्थ्यांनी या कामकाजाचा अनुभव घेतला. दोन दिवसात ५३ विद्यार्थ्यांना संसदेच्या कामकाजाचा अनुभव घेता आला. त्यामुळे युपीएससी, एमपीएससी तयारी करून आगामी काळात यशस्वी झाल्यानंतर निश्चितपणे हा अनुभव त्यांना महत्त्वपूर्ण ठरणार आहे. केवळ खा.चिखलीकर यांच्यामुळे आपणास संसदेच्या कामकाजाचा अनुभव घेता आला . लोकसभेत बसून प्रशासकीय कामकाजाची पाहणी करता आली. त्यामुळे या विद्यार्थ्यांनी खा. चिखलीकर यांच्या आभार मानले आहेत.