आशाताई बच्छाव
8 डिसेंबरला संत जगनाडे महाराज जयंती महोत्सव व तेली समाज मेळावा
तेली समाज बांधवांना उपस्थित राहण्याचे आवाहन
गडचिरोली,(सुरज गुंडमवार ब्युरो चीफ युवा मराठा न्युज नेटवर्क) :-
महाराष्ट्र प्रांतिक तैलिक महासंघ, जिल्हा गडचिरोली संताजी सोशल मंडळ गडचिरोली, विदर्भ तैलिक महासंघ जिल्हा गडचिरोली, तेली समाज समिती सर्वोदय वार्ड , तेली समाज सेवा समिती हनुमान वार्ड गडचिरोली, संत जगनाडे महाराज बहुउदेशीय संस्था गडचिरोली, संताजी सहकारी पतसंस्था मर्यादित गडचिरोली व तेली समाजाचे संयुक्त विद्यमाने दिनांक 8 डिसेंबर 2022 रोजी दुपारी 12 वाजता संत जगनाडे महाराज जयंती कार्यक्रम व भव्य तेली समाज मेळाव्याचे आयोजन ,संताजी स्मूती प्रतिष्ठान सर्वोदय वार्ड ,आरमोरी रोड गडचिरोली च्या सभागृहात करण्यात आले आहे.
कार्यक्रमाला प्रमुख मार्गदर्शक व वक्ते म्हणून गोंडवाना विद्यापीठाचे उपकुलगुरू मा डॉ श्री श्रीराम कावळे सर , जेष्ठ पत्रकार तथा सामाजिक कार्यकर्ते श्री रोहिदास राऊत व प्रा. श्री शेषराव येलेकर , महाराष्ट्र प्रांतिक तैलिक महासंघाचे उत्तरचे जिल्हाध्यक्ष प्रमोदजी पिपरे, महाराष्ट्र प्रांतिक तैलिक महासंघ दक्षिण चे जिल्हाध्यक्ष प्रभाकरराव वासेकर, विदर्भ तैलिक महासंघाचे जिल्हाध्यक्ष सुरेश भांडेकर , संताजी सोशल मंडळाचे अध्यक्ष प्रा देवानंद कामडी, संत जगनाडे महाराज बहुउद्देशीय संस्थेचे अध्यक्ष भगवान ठाकरे, व तेली समाजातील विविध संघटनांचे पदाधिकारी प्रामुख्याने उपस्थित राहणार आहेत.
नुकत्याच झालेल्या बैठकीमध्ये 8 डिसेंबर रोजी होणाऱ्या संत जगनाडे महाराज जयंती महोत्सव व तेली समाज मेळाव्याच्या नियोजनासंदर्भात सविस्तर चर्चा करण्यात आली व कार्यक्रम यशस्वी करण्याकरिता नियोजन करण्यात आले 8 डिसेंबर रोजी सर्वप्रथम सकाळी 11 वाजता इंदिरा गांधी चौकात संत जगनाडे महाराज यांच्या प्रतिमेला माल्यार्पण व पूजन करून जयंती समारोहाची सुरुवात करण्यात येणार आहे त्यानंतर दुपारी 12 वाजता संताजी स्मूती प्रतिष्ठान च्या सभागृहात भव्य तेली समाज मेळाव्याचे आयोजन करण्यात आले आहे तरी या मेळाव्याला गडचिरोली जिल्ह्यातील व शहरातील तेली समाज बांधवांनी महिला व युवक- युवतींनी मोठ्या संख्येने उपस्थित राहावे व कार्यक्रमाचा लाभ घ्यावा असे आवाहन विविध तेली समाज संघटनेच्या वतीने करन्यात आले आहे.
