आशाताई बच्छाव
आयडियल इंग्लिश मिडीयम स्कूल देगलुर येथे मराठवाडा मुक्ती स्वातंत्र्य संग्राम दिन जल्लोषात साजरा.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
फुले शाहू आंबेडकर सेवाभावी संस्था द्वारा संचलित आयडीयल इंग्लिश मिडीयम स्कूल देगलुर येथे मराठवाडा स्वातंत्र्य संग्राम दिन मोठ्या जल्लोषात साजरा करण्यात आला. यावेळी कार्यक्रमाची सुरुवात महापुरुषांच्या प्रतिमेचे पूजन करून झाली. संस्थेचे संचालक प्रा. सोनकांबळे एम. एल., तसेच मुख्याध्यापिका मिस सुनंदा मॅडम, रुपाली मॅडम, प्रियांका मॅडम ,आशिष वाघमारे, इसाक शेख,याच्या हस्ते महापुरूषाच्या प्रतीमेस पुष्प माळा अर्पण करून अभिवादन करण्यात आले. यावेळी माहीम महेबुब कासार या विद्यार्थीनीचे भाषण झाले. कार्यक्रमाचे सूत्र संचालन प्रियांका मॅडम यांनी केले. तसेच मराठवाडा निझामाच्या तावडीतून मुक्त करण्यासाठी स्वामीरामानंद तीर्थ , गोविंदभाई श्रॉफ, दगडाबाई शाळके, दिगंबराराव बिंदू बाबासाहेब परांजपे, या सारख्या शेकडो क्रांतिकारकाना व स्वातंत्र्य सैनिकांना आपल्या कुटुंबाची राख रांगोळी करावी लागली. तसेच याकाळतील स्वातंत्र्य सैनिकांनी निस्वार्थ भूमिकेतून निझाम मिर उस्मान अली खान याचा व रजाकार संघटनेचा बंदोबस्त करून मराठवाडा निझामाच्या तावडीतून 17 सप्टेंबर 1948 रोजी मुक्त केला. आणि मराठवाड्यातील जनता सुखी आणि समाधानी झाली. याविषयीचे सखोल मार्गदर्शन प्रा. सोनकांबळे एम. एल. सर यांनी केले. तर या कार्यक्रमाचे आभार रुपाली मॅडम यांनी केले. या कार्यक्रमासाठी मोठ्या संख्येने विद्यार्थी, पालक उपस्थित राहून हा कार्यक्रम अत्यंत आनंदात व जल्लोषात साजरा करण्यात आला.