आशाताई बच्छाव
नांदगाव-भालूर बस सेवा सुरु करण्यासाठी युवा सेनेचे डेपो मॅनेजर यांना निवेदन
नांदगाव ( प्रतिनिधी अनिल धामणे) नांदगाव ते भालुर मार्गावरील विद्यार्थ्यांसाठी बस सेवा सुरू करणे व बसचा वेळ बदलणे बाबत युवसेनेतर्फे डेपो मॅनेजर यांना निवेदन देण्यात आले त्यात म्हटले आहे की युवासेना शाखा भालुर तर्फे आपणास निवेदन देतो कोविड – १९ लॉकडाऊन मध्ये १:३० वाजता नांदगाव ते भालुर बस चालू होती ती बंद झाली होती.
पण लॉकडाऊन उघडुन खूप दिवस झाले आहे पण बस सेवा अजून सुरू झालेली नाही त्यामुळे नांदगाव ते भालुर मार्गावरील सर्वच नांदगाव कॉलेजच्या विद्यार्थ्यांची गैरसोय होतेय व दुपारी ३ वाजता जी बस आहे तिचा वेळ नांदगाव वरून ४ वाजता करावा कारण काही विद्यार्थ्यांचे कॉलेज ३ ला सुटते त्यामुळे त्यांना ती बस मिळत नाही त्यामुळे त्यांना इतर वाहनांच्या साह्याने यावे लागते मुलींना कधी कधी ५-६ किमी पायी यावे लागते तरी आपण आम्हाला सहकार्य करावे . ह्या पैकी भरपूर विद्यार्थ्यांनी आपल्या कडे निवेदन हि दिले होते पण त्याची दखल घेतली गेली नाही. तरी आम्ही आपणास कळकळीची विनंती करतो की आपण आमच्या निवेदनाची दखल घ्यावी आणि लवकरात लवकर बस सेवा सुरू करावी. असे निवेदन करण्यात आले . याप्रसंगी शिवसेना तालुकाप्रमुख संतोषजी गुप्ता , युवासेना भालुर तर्फे आदेश शिंदे व सौरभ निकम उपस्थित होते . त्यासोबत विद्यार्थ्यांच्या स्वाक्षरी चे पत्रक जोडले होते
