आशाताई बच्छाव
चित्पावन ब्राह्मण मंडळातर्फे जीजीपीएसला देणगी
रत्नागिरी,(सुनील धावडे) : रत्नागिरी एज्युकेशन सोसायटीच्या श्रीमान गं. गो. पटवर्धन इंग्रजी माध्यमाच्या शाळेला (जीजीपीएस) शैक्षणिक सोयीसुविधांकरिता अखिल चित्पावन ब्राह्मण विद्यार्थी सहाय्यक मंडळाने दहा हजार रुपयांची देणगी दिली. चित्पावन मंडळाचे कार्यवाह राजेंद्र पटवर्धन यांच्यासह अविनाश काळे, वसतीगृहाचे व्यवस्थापक रविकांत शहाणे यांनी शाळेचे मुख्याध्यापक प्रतापसिंह चव्हाण यांच्याकडे धनादेश सुपुर्द केला. याप्रसंगी शैक्षणिक क्रीडाशिक्षक श्री. कदम उपस्थित होते. जीजीपीएस शाळेचे यंदा रौप्यमहोत्सवी वर्ष सुरू आहे. शाळेच्या देदिप्यमान यशाबद्दल शैक्षणिक उठाव म्हणून विद्यार्थ्यांना उपयोगी पडणाऱ्या साधनांसाठी किंवा गरजेच्या गोष्टीसाठी हा निधी खर्च करता येणार आहे.
