आशाताई बच्छाव
नरसी येथील जीवन विकास प्राथमिक शाळेत शिक्षक दिन साजरा
================
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
नरसी येथील जीवन विकास प्राथमिक शाळेत दि.५ सप्टेंबर रोजी शिक्षक दिन मोठ्या उत्साहात साजरा करण्यात आला. यावेळी शाळेचे मुख्याध्यापक नंदकिशोर नरसीकर सह शाळेतील सर्व शिक्षकांची उपस्थिती होती. कार्यक्रमाची सुरुवात डॉक्टर सर्वपल्ली राधाकृष्णन यांच्या प्रतिमा पूजनाने करण्यात आली.
शिक्षक दिनाच्या निमित्ताने इयत्ता पाचवी ते सातवीचे विद्यार्थी हेच शिक्षकाच्या भूमिकेत होते. थोडक्यात स्वयं प्रशासन दिन म्हणून साजरा करण्यात आला. पाचवी ते सातवीच्या विद्यार्थ्यांनी पहीली ते सातवी वर्गातील विद्यार्थ्यांना उत्तम प्रकारे धडे दिले. सर्वत्र आनंदाचे वातावरण होते. यानंतर विद्यार्थ्यांनी भाषणे केली तसेच कार्यक्रम प्रसंगी मुख्याध्यापक नंदकिशोर नरसीकर बोलताना म्हणाले की, शिक्षक हा जीवनाच्या शिल्पकार असतो व आपल्या आयुष्याला एका वेगळ्या उंचीवर नेऊन ठेवतो. त्यांनी सर्वांना शिक्षक दिनाच्या शुभेच्छा दिल्या. विद्यार्थ्यांना मार्गदर्शन केले. हा कार्यक्रम खूप उत्साहात पार पडला. यावेळी शाळेतील सर्व शिक्षक, शिक्षिका, विद्यार्थी, विद्यार्थीनी उपस्थित होते.
