आशाताई बच्छाव
मुंबई – गोवा राष्ट्रीय महामार्गावर पाली येथे विदेशी मद्याचे ११० बॉक्स जप्त रत्नागिरी,(सुनील धावडे ब्युरो चीफ युवा मराठा न्युज नेटवर्क)
गणोशोत्सव सणाच्या पार्श्वभुमीवर रत्नागिरी राज्य उत्पादन शुल्क विभाग, रत्नागिरीने मोठी कारवाई करत रत्नागिरी तालुक्यातील मुंबई – गोवा राष्ट्रीय महामार्गावर पाली येथे विदेशी मद्याचे ११० बॉक्स जप्त करत तब्बल 13 लाख 44 हजार 400 रुपये किंमतीचा मुद्देमाल पकडला आहेगोवा बनावटी विदेशी मद्याची चोरटी वहातूक होत असल्याची माहिती रत्नागिरी राज्य उत्पादन शुल्क विभाग, रत्नागिरी पथकला मिळाली होती. त्यानुसार 25 ऑगस्टरोजी निरीक्षक , राज्य उत्पादन शुल्क , रत्नागिरी ग्रामीण विभागामार्फत मुंबई – गोवा राष्ट्रीय महामार्गावर पाली येथे संशयीत वाहनांची तपासणी करीत असताना अशोक लेलॅण्ड कंपनीचे ( दोस्त ) सफेद रंगाचे चारचाकी वाहन (क्र . MH – 09 – EM – 8207) मधून गोवा बनावटी विदेशी मद्याचे 110 बॉक्स अवैधरितीने वहातूक करीत असताना आढळून आले. ते जप्त करण्यात आले.
