आशाताई बच्छाव
भव्य मातंग परिषदेत मुखेड तालुक्यातील सर्व समाज बांधवांनी सहभागी व्हावे… नारायण गायकवाड.
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
मुखेड -साहित्यसम्राट लोकशाहीर अण्णाभाऊ साठे यांच्या १०२ व्या जयंती निमित्त मुखेड येथील जिल्हा परिषद मुलींचे हायस्कूल मैदानात दिनांक २८ ऑगस्ट रोजी सकाळी ११ वाजता भव्य मातंग परिषदेचं आयोजन करण्यात आले असून या कार्यक्रमानिमित्त महाराष्ट्रातील सुप्रसिद्ध अभिनेत्री मानसी नाईक यांचा लावणीचा कार्यक्रम तर महाराष्ट्रातील सुप्रसिद्ध सिनेस्टार साजन बेंद्रे यांचा गीतांचा कार्यक्रम तसेच माजी मंत्री प्रा . लक्ष्मणराव ढोबळे आणि जेष्ठ विचारवंत साहित्यिक शंकर भाऊ तडाखे
व्याख्यानाचा यांचा कार्यक्रम होणार आहे तरी मुखेड तालुक्यातील सर्व समाज बांधवांनी या उपस्थित कार्यक्रमाला राहावे असे आवाहन कार्यक्रमाचे स्वागताध्यक्ष तथा समाजभूषण नारायण गायकवाड यांनी केले आहे . दिनांक २८ ऑगस्ट रोजी सकाळी १० वाजता नरसी रोड वर अण्णा भाऊ साठे चौक येथे सर्व समाज बांधवांनी जमा होऊन तेथून शहरातील मुख्य रस्त्याने कार्यक्रम स्थळाच्या दिशेने पायी चालत जायचे आहे आणि भारतरत्न डॉ . बाबासाहेब आंबेडकर आणि छत्रपती शिवाजी महाराज यांच्या पुतळ्याला हार अर्पण करून सर्वांनी कार्यक्रम स्थळी पोहचायचे आहे असेही या कार्यक्रमाचे स्वागताध्यक्ष नारायण गायकवाड यांनी पत्रकार परिषदेत म्हणाले आहेत . भव्य मातंग परिषद कार्यक्रमाचे उद्घाटन खासदार प्रताप पाटील चिखलीकर यांच्या हस्ते होणार असून आ . डॉ . तुषार राठोड हे कार्यक्रमाचे अध्यक्ष म्हणून उपस्थित राहणार आहेत तर या कार्यक्रमासाठी विशेष उपस्थिती लोकशाहीर अण्णाभाऊ साठे यांचे नातू सचिन भाऊ साठे व माजी नगराध्यक्ष गंगाधर राठोड आणि प्रमुख पाहुणे म्हणून उमरखेडचे आ . नामदेव ससाने , भंडाराचे मा . आ . नरेंद्र भोंडेकर , उदगीरचे मा . आ . सुधाकर भालेराव , भाजपा प्रदेश उपाध्यक्ष मारोती वाडेकर , किसान सेना जिल्हाप्रमुख शंकर पाटील लुट्टे , भाजपा अनुसूचित मोर्चाचे जिल्हाध्यक्ष गंगाधर कावडे व कंधारचे माजी पंचायत समिती सभापती पंडित देवकांबळे हे उपस्थित राहणार आहेत .
साहित्यसम्राट लोकशाहीर अण्णाभाऊ साठे यांच्या १०२ व्या जयंती निमित्त मुखेड शहरातील जिल्हा परिषद हायस्कूल येथे भव्य मातंग परिषदनिमित्त विविध कार्यक्रमाचे आयोजन करण्यात आले असून मुखेड तालुक्यातील सर्व समाज बांधवांनी या कार्यक्रमाला मोठ्या संख्येने उपस्थित रहावे . पंकज गायकवाड