आशाताई बच्छाव
स्वातंत्र्याच्या अमृत महोत्सवानिमित्त बसणी येथे विविध कार्यक्रम
रत्नागिरी,(सुनील धावडे ब्युरो चीफ युवा मराठा न्युज नेटवर्क) : तालुक्यातील बसणी ग्रामपंचायत येथे भारतीय स्वातंत्र्याच्या अमृत महोत्सवानिमित्त तीन दिवस विविध कार्यक्रमांचे आयोजन करण्यात आले. ध्वजारोहण करून प्रभातफेरी काढण्यात आली. यात सरपंच सौ. साक्षी झगडे, उपसरपंच किशोर नेवरेकर, ग्रामपंचायत सदस्य, कर्मचारी, ग्रामस्थ सहभागी झाले. त्यानंतर ग्रामपंचायत कार्यालयात सुदृढ बालक स्पर्धा, चित्रकला स्पर्धा, वक्तृत्व, निबंध, पाककला, रांगोळी आणि समूहगीत या स्पर्धा आयोजित केल्या. स्वातंत्र्यदिनी ध्वजारोहणानंतर या स्पर्धांचे बक्षीस वितरण करण्यात आले. विविध स्पर्धांतील विजेत्यांसह बीडीसी परीक्षेत उत्तीर्ण विद्यार्थी, इयत्ता दहावीमधील गुणवंत विद्यार्थ्यांना बक्षीस वितरण केले. बसणीतील दीपक कदम यांचा एलएलबी झाल्याबद्दल सत्कार करण्यात आला. घरोघरी तिरंगा अभियानाअंतर्गत सहकार्य करणाऱ्या ग्रामस्थांचेही आभार मानण्यात आले.