आशाताई बच्छाव
75 वा स्वातंत्र्यदिन चाफे नं 1 शाळेत उत्साहात संपन्न रत्नागिरी,(सुनील धावडे ब्युरो चीफ युवा मराठा न्युज नेटवर्क)
जि. प. पू. प्रा. शाळा चाफे नं 1 येथे स्वातंत्र्याचा अमृत महोत्सव विविध उपक्रमांच्या माध्यमातून साजरा करण्यात आला. यामध्ये विविध आंतरशालेय स्पर्धांचे आयोजन करण्यात आले होते त्यामध्ये निबंध स्पर्धा, वक्तृत्व स्पर्धा, रांगोळी स्पर्धा, घोषवाक्य स्पर्धा, चित्रकला स्पर्धा, रंगभरण स्पर्धा इत्यादी स्पर्धा घेण्यात आल्या. त्याच बरोबर रांगोळी प्रदर्शन, रानभाज्या प्रदर्शन, वृक्षारोपण, राखी तयार करणे,स्वराज्यातील किल्ल्याचे प्रदर्शन भरवण्यात आले होते. या सर्व स्पर्धा व उपक्रमात सहभागी विद्यार्थ्यांना बक्षिसे देऊन गौरविण्यात आले या सर्व उपक्रमांचे पुस्तक रूपाने गाव प्रमुख गावकर श्री चंद्रकांत गोवळकर यांच्या हस्ते प्रकाशन करण्यात आले.
शाळेतील उपक्रम यशस्वी करण्यासाठी ग्रामपंचायत चाफे सर्व सदस्य, शालेय व्यवस्थापन अध्यक्ष श्री रवींद्र गोवळकर व सर्व सदस्य, माता पालक संघ प्रतिनिधी,सामाजिक कार्यकर्ते श्री सुभाषजी गोवळकर ,पोलीस पाटील हिराजी तांबे माजी मुख्याध्यापक श्री मुळ्ये गुरुजी श्री सुनील राहाटे तसेच सर्वच पालक यांचे मोलाचे सहकार्य लाभले.
शाळेतील शिक्षकांनी सर्वच उपक्रमाचे उत्तम नियोजन केले. होते केंद्रप्रमुख श्री कलंबटे विस्तार अधिकारी सौ मोहिते यांनी विशेष दखल घेऊन अभिनंदन केले.