आशाताई बच्छाव
सोमपुर येथे जागतीक आदिवासी दिनानिमित्त वृक्षारोपण
ताहाराबाद,(प्रतिनिधी):- सोमपूर येथे 9 ऑगस्ट जागतीक आदिवासी दिनानिमित्त अन्याय अत्याचार निर्मुलन समितीच्या वतीने व वनविभाग ताहाराबाद विभागाच्या सहकार्याने वृक्षारोपणाचे आयोजन करण्यात आले होते.यावेळी जायखेडा पोलीस स्टेशनचे सहाय्यक पोलीस निरीक्षक मा.श्रीकृष्ण पारधी साहेब व आदिवासी भील समाज सेवा व बहुद्देशीय संस्थेचे अध्यक्ष मा.प्रविण पवार यांच्या हस्ते भगवान वीर एकलव्य व क्रांतिकारक टंट्यामामा भील यांच्या प्रतिमेचे पूजन करण्यात आले.त्यानंतर मा.पारधी साहेबांच्या हस्ते एक झाड लावुन वृक्षारोपणास सुरुवात करण्यात आली,त्यावेळी वनविभागाचे अधिकारी,ताहाराबाद व सोमपुर येथील समितीचे पदाधिकाऱ्यांसह तालुकाध्यक्ष मा.संदिपभाऊ गांगुर्डे यांनीदेखील वृक्षारोपण केले.तसेच समितीच्या महिला पदाधिकाऱ्यांनी मा.श्रीकृष्ण पारधी साहेब,वनविभागाचे अधिकारी तसेच कार्यक्रमास उपस्थित असलेल्या विविध मान्यवरांचा छोटेखानी सत्कार केला.घरटे मॅडमांनी सूत्रसंचालन करुन सर्वांचे आभार मानले.कार्यक्रमासाठी आकाश पवार,निलेश भामरे,भावेश भामरे,प्रशांत भामरे,राजु जगताप, केशव राखपसरे,रमेश पवार, आदींसह पोलीस प्रशासन वनविभाग प्रशासन व इतर मान्यवर उपस्थित होते.