आशाताई बच्छाव
खेड नगरपरिषदेचे माजी नगराध्यक्ष वैभव खेडेकर यांच्याविरोधात गुन्हा दाखल रत्नागिरी,(सुनील धावडे ब्युरो चीफ युवा मराठा न्युज नेटवर्क)
खेड नगरपरिषदेचे माजी नगराध्यक्ष वैभव खेडेकर यांनी १ जानेवारी २०२२ ते ३१ डिसेंबर २०२० या मुदतीत शासकीय निधी मधून त्यांच्या वाहनाला ५ लाख १५ हजार ४७९ रुपये ९१ पैसे वापरून इंधन पुरवठा करत शासकीय निधीचा अपहार करून शासनाची फसवणूक केल्याप्रकरणी खेड पोलिस ठाण्यात ३० जुलै रोजी सांयकाळी उशीरा गुन्हा दाखल करण्यात आला आहे.या प्रकरणी पालिकेचे विद्यमान मुख्याधिकारी प्रमोद ढोरजकर यांनी खेड पोलिस ठाण्यात तक्रार दाखल केली आहे. खेड नगरपरिषदेचे माजी नगराध्यक्ष तथा मनसेचे राज्य सरचिटणीस वैभव खेडेकर यांनी खेड पालिकेचे नगराध्यक्ष म्हणून निवडून आल्यानंतर मोठ्या प्रमाणात भ्रष्टाचार केल्याचा आरोप शिवसेनेचे माजी नगरसेवक व गटनेते प्रज्योत तोडकरी यांच्यासह सेनेच्या दहा नगरसेवकांनी केला होता. याबाबत त्यांनी जिल्हाधिकार्यांकडे खेडेकर यांच्या भ्रष्टाचाराच्या तक्रारी मुद्देसुत लेखी स्वरुपात केल्या होत्या. त्या तक्रारीच्या अनुषंगाने जिल्हाधिकार्यांनी चौकशी करून खेडेकर यांना इंधन वापरासाठी पालिकेतून केलेल्या खर्चात अनियमितता केल्याबद्दल दोषी ठरवले होते.
