राजेंद्र पाटील राऊत
विराणे पोहाणेत सट्टाकिंग “एकनाथचा” धुमाकूळ जनता त्रस्त;पोलिस प्रशासन सुस्त!
(राजेंद्र पाटील राऊत युवा मराठा न्युज नेटवर्क) मालेगांव- नाशिकच्या काटवन भाग म्हणून प्रसिध्द असलेल्या विराणे,पोहाणे या मालेगांव तालुक्याच्या सरहद्दीवरील गावात सट्टाकिंग एकनाथने आपला धुमाकूळ घातल्याने जनता त्रस्त तर पोलिस प्रशासन सुस्त अशी अवस्था निर्माण झाली आहे. वडनेर खाकुर्डी पोलिस स्टेशनच्या हद्दीत असलेल्या या विराणे व पोहाणे गावात सायने,ता.मालेगांव येथील राहणारा एकनाथ नामक सट्टा माफीया याने आपल्या अवैध सट्टा मटका जुगाराचे बस्तान मांडल्याने या भागातील नागरिक त्रस्त झाले आहेत.तर शेतकऱ्यांना शेतकामासाठी मजुरच मिळत नसल्यामुळे शेतकरी वर्ग हतबल झाला आहे.त्याशिवाय घरात बायको व पोराबाळांना उपाशीपोटी ठेऊन या भागातला सर्वसामान्य वर्ग जुगाराच्या नादी लागून बरबादीकडे वाटचाल करीत असल्याने या अवैध व बेकायदेशीर सट्टा मटका जुगारावर कठोरात कठोर कारवाई करुन हा अड्डा उध्वस्त करण्याची मागणी अनेकांनी नाव न छापण्याच्या अटीवर युवा मराठा न्युजशी बोलताना केली आहे.