आशाताई बच्छाव
( भिला आहेर युवा मराठा न्युज नेटवर्क)
देवळा प्रतिनिधी:- देवळा तालुक्यातील जिल्हा परिषद तीनही गट आरक्षित इच्छुकांचा हिरमोड.
जिल्हा परिषदेचे देवळा तालुक्यातील उमराणे, खर्डे व लोहोणेर हे तिन्ही गट आरक्षित झाल्याने राजकीय पुढाऱ्यांचा चांगलाच हिरमोड झाला आहे तालुक्यातील उमराणे गट हाअनुसूचित जामाती पुरुष प्रवर्गसाठी,खर्डे गट हा अनुसूचित जमाती महिला प्रवर्गसाठी तर लोहोणेर गट हा अनुसूचित जमाती पुरुष प्रवर्गसाठी राखीव झाले आहेत.
दरम्यान उमराणे जिल्हा परिषद गटातून केंद्रीय आरोग्य राज्यमंत्री डॉ. भारतीताई प्रविण पवार यांचे पती प्रविण अर्जुनराव पवार यांनी निवडणूक लढवावी अशी मागणी देवळा पंचायत समितीचे माजी सभापती केदा शिरसाठ यांनी केली आहे. डॉ. भारतीताई पवार यांनी देखील २०१२च्या जिल्हा परिषद निवडणुकीत उमराणे गटातून उमेदवारी केली होती त्यावेळी त्या जिल्ह्यातून सर्वाधिक बारा हजार मतांनी विजयी झाल्या होत्या त्यानंतर लोकसभा निवडणुकीत देखील देवळा तालुक्यातुन त्यांना सर्वाधिक मतदान मिळाले होते. त्यामुळे आता त्यांचे पती प्रविण पवार यांनी उमेदवारी करावी अशी मागणी केदा शिरसाठ, मेशी विकास सोसायटीचे सभापती राजू शिरसाठ, मोतीराम शिरसाठ, पंडित शिरसाठ, बाबूलाल चव्हाण, तुषार शिरसाठ यांनी केली आहे