राजेंद्र पाटील राऊत
व-हाणेत सट्टा मटका जोरात! पत्रकारांनो पेपरात खुशाल छापा!!
(राजेंद्र पाटील राऊत युवा मराठा न्युज नेटवर्क)
मालेगांव-पाच मारुतीचे व-हाणे म्हणून अतिप्रसिध्द असलेले हे गांव मालेगांवपासून अवघ्या बारा किलोमीटर अंतरावर मनमाड रोडवरील मध्यवर्ती गाव म्हणून ओळखले जाते.या गावात अलिकडेच ग्रामस्थांनी लोकवर्गणीतून आलिशान असे राममंदीर उभारले आहे.धार्मिक क्षेत्रात नावारुपास येत असलेल्या या गावात मात्र आता बिनधास्तपणे राजरोस पोलिस प्रशासनाच्या अर्थपूर्ण दुर्लक्ष झाल्याने सुरु आहे.एके काळी या गावाचे नाव संपूर्ण जिल्ह्यात कै.तुकाराम भाऊ शंकर पवार यांनी आपल्या कार्य कर्तृत्वाने गाजविले आणि दुर्दैवाची बाब अशी की,त्याच तुकाराम भाऊ पवार नगरात अगदी मराठी शाळा,माध्यमिक विद्यालय,व राममंदीराशेजारी हा सट्टा मटका जुगार सुरु असल्याने गावातील तरुण पिढी वाममार्गाला लागून उध्वस्त झाल्याशिवाय राहणार नाही अशी भिती जाणकार व्यक्त करीत आहेत.तर मेहुणे ता.मालेगांव येथील महेंद्र नामक सट्टा माफीया हा जुगाराचा अड्डा चालवित असल्याची माहिती प्राप्त होत आहे.राजकारणात अग्रेसर म्हणून ओळखल्या जाणाऱ्या व-हाणे या गावात पिण्यासाठी पंधरा पंधरा दिवस पाणी मिळत नाही अशी परिस्थिती असताना अवैध धंद्यात मात्र आता या गावाचे नाव गाजत आहे.सट्टा मटका जोरात..पत्रकारांनो खुशाल पेपरात छापा..! ही सट्टा माफीयांची खेळी असून,वेळीच कर्तव्यदक्ष जिल्हा पोलिस प्रमुख डाँ.सचिन पाटील व अप्पर पोलिस अधीक्षक चंद्रकांत खांडवी यांनी हा अवैध धंदा कायमचा समूळ नष्ट करावा अशी मागणी आता जोर धरत आहे.
