आशाताई बच्छाव
यंदाही दमा औषधीचे वाटप नाही।
गडचिरोली,(सुरज गुंडमवार ब्युरो चीफ युवा मराठा न्युज नेटवर्क): जिल्हाच्या देसाईगंज (वडसा) तालुक्यातील कोकडी या गावी दरवर्षी मृग नक्षञाच्या दिवसी मासोळीतुन दमा औषधचे नि:शुल्क वाटप केले जाते.पंरतु, कोरोणाचे सावट अजूनही पूर्णपणे गेले नसल्याने यंदाही दमा औषध वितरीत न करण्याचा निर्णय वैद्यराज प्रल्हाद सोमा कावळे यांनी घेतला आहे. कोरोना संसर्ग रोखण्यासाठी औषधी न देण्याचे यंदाचे सलग तिसरे वर्ष आहे.
देशात सुरु असलेल्या कोरोना साथीच्या संभाव्य चौथ्या लाटेमुळे कोरोनाचा संसर्ग वाढू नये यासाठी हा निर्णय घेण्यात आला आहे.औषधीचा लाभ घेण्यासाठी राज्यातीलच नव्हे, तर देशातील विविध राज्यातुन दमा रुग्ण कोकडी येथे दाखल होत असतात.त्यामुळे कोकडी येथे हजारोच्या संख्येते रुग्ण जमा होतात.परिणामी कोरोना संसर्ग वाढण्याची शक्यता पाहता वैद्यराज प्रल्हाद कावळे यांनी समाजहित समोर ठेऊन औषधी वाटप न करण्याचा निर्णय केला.दमा रुग्णांनी कोकडी येथे येऊ नये,अशी माहीती प्रल्हाद कावळे यांनी दिली.
