राजेंद्र पाटील राऊत
जिल्हा क्रीडा संकुलच्या दुसऱ्या टप्प्यातील बांधकामाचा निधी उपलब्ध करून द्यावा
आमदार डॉ देवरावजी होळी
जिल्हा क्रीडा संकुलच्या बांधकामाची पाहणी करून घेतला आढावा
संथ गतीने काम केल्यास कंत्राटदारावर कारवाई करण्याची मागणी
गडचिरोली,(सुरज गुंडमवार ब्युरो चीफ युवा मराठा न्युज नेटवर्क)
गडचिरोली जिल्हा क्रीडा संकुलच्या बांधकामाकरिता आवश्यक असलेला दुसऱ्या टप्यातील निधी शासनाने तातडीने उपलब्ध करून द्यावा अशी मागणी गडचिरोली विधानसभा क्षेत्राचे आमदार डॉक्टर देवरावजी होळी यांनी शासनाला केली.
जिल्हा क्रीडा संकुलाच्या बांधकामा संदर्भातील कामाची आढावा बैठक आमदार डॉ देवरावजी होळी यांनी घेतली
या बैठकीला सार्वजनिक बांधकाम विभागाच्या अधीक्षक अभियंता ठाकरे मॅडम, कार्यकारी अभियंता श्री साखरवाडे साहेब, श्री सुधीर श्रीवास्तव व्यवस्थापन सल्लागार नागपूर , उपविभागीय अभियंता श्री मुंदडाजी, जिल्हा क्रीडा अधिकारी श्री दोंदल, प्रामुख्याने उपस्थित होते.
४४. ५१ कोटी रुपयांची प्रशासकीय मान्यता असलेल्या गडचिरोली जिल्हा केंद्रावरील जिल्हा क्रीडा संकुल (जिल्हा स्टेडियम) चे बांधकाम प्रगतीपथावर आहे. परंतु कामाची गती कमी असल्याने या बांधकामाची पाहणी करतांना आमदार महोदयांनी नाराजी व्यक्त केली.
यावेळी त्यांनी बांधकामास संदर्भातील असलेल्या अडचणी अधिकाऱ्यांकडून जाणून घेतल्या. आत्तापर्यंत कोणकोणती कामे झालीत व त्याकरिता किती निधी खर्च करण्यात आला व पुढे आणखी काय काम बाकी आहे त्याकरिता आवश्यक असणारा निधी किती? याबाबतची माहिती त्यांनी यावेळी जाणून घेतली.
मागील अनेक वर्षांपासूनप्रलंबीतअसलेले जिल्हा क्रिडा संकुलाचे काम तातडीने होणे आवश्यक असून काम पुर्ण झाल्यास त्याचा मोठा लाभ जिल्ह्यातील क्रीडाप्रेमींना होईल. त्यामुळे क्रिडांगणाचे काम तातडीने करण्यासाठीं निधी उपलब्ध करून द्यावा अशी मागणी गडचिरोली विधानसभा क्षेत्राचे आमदार डॉक्टर देवरावजी होळी यांनी शासनाकडे केली आहे.
