राजेंद्र पाटील राऊत
शिवसेना आमदार मंगेश कुडाळकर यांच्या पत्नीची आत्महत्या
✍️ मुंबई : विजय पवार कार्यकारी संपादक मुंबई युवा मराठा न्यूज
मुंबई : शिवसेनेचे आमदार मंगेश कुडाळकर यांच्या पत्नीने आत्महत्या केल्याची धक्कादायक घटना आज रविवारी (ता.१७) घडली आली आहे. कुडाळकर हे कुर्ला विधानसभा मतदारसंघाचे आमदार आहेत. याबाबतचे वृत्त एएनआय वृत्तसंस्थेने दिले आहे. शिवसेना आमदार मंगेश कुडाळकर यांच्या पत्नी रजनी या त्यांच्या राहत्या घरी गळफास घेतलेल्या अवस्थेत आढळल्या. घटनास्थळी वरिष्ठ पोलिस अधिकारी उपस्थित असल्याचे मुंबई पोलिसांनी सांगितले.
रजनी कुडाळकर (वय ४२) यांच्या आत्महत्येमागील कारण अद्याप स्पष्ट झालेले नाही. मुंबई येथील कुर्ला भागातील नेहरु नगर येथील राहत्या घरी त्यांनी गळफास घेऊन आत्महत्या केली आहे. रजनी या कुडाळकर यांची दुसरी पत्नी आहे. या प्रकरणी तपास सुरु असल्याचे नेहरु नगर पोलिस ठाण्याचे वरिष्ठ पोलिस निरीक्षक चंद्रशेखर बाबल यांनी सांगितले.
