Home अकोला शासकीय कार्यालयात येणाऱ्या दुचाकीस्वारांना हेल्मेट आवश्यक; 61 जणांवर कारवाई

शासकीय कार्यालयात येणाऱ्या दुचाकीस्वारांना हेल्मेट आवश्यक; 61 जणांवर कारवाई

181
0

राजेंद्र पाटील राऊत

शासकीय कार्यालयात येणाऱ्या दुचाकीस्वारांना
हेल्मेट आवश्यक; 61 जणांवर कारवाई

अकोला :(सतिश लाहुळकर ब्युरो चीफ युवा मराठा न्युज नेटवर्क)– परिवहन विभागाच्या निर्देशानुसार शासकीय विभागात येणाऱ्या दुचाकीस्वारांना हेल्मेट परिधान करणे आवश्यक आहे. त्यानुसार, विना हेल्मेट येणाऱ्या दुचाकीस्वारावर आज विशेष मोहिमेअंतर्गत कारवाई करण्यात आली. त्यात जिल्हाधिकारी कार्यालय व उप प्रादेशिक परिवहन कार्यालय परिसरात विना हेल्मेट येणाऱ्या 61 दुचाकीस्वारांकडून दंड वसूल करण्यात आला, अशी माहिती उपप्रादेशिक परिवहन अधिकारी जयश्री दुतोंडे यांनी दिली.

वाहन चालवितांना हेल्मेटचा वापर करणे हे रस्ता सुरक्षेच्या दृष्टीकोनातून अत्यंत महत्वाचे आहे. दुचाकी वाहनांच्या अपघातामध्ये जखमी किंवा मृत पावणारे वाहनस्वार हे विना हेल्मेट प्रवास करणारे असतात. हेल्मेट वापरासंबंधीत प्रबोधनात्मक व अंमलबजावणी व्हावी याकरीता तपासणी मोहिमेची सुरुवात आजपासून करण्यात आली. ही मोहिम जिल्हाभर राबविण्यात येणार आहे. ही मोहिम उप प्रादेशिक परिवहन अधिकारी जयश्री दुतोंडे यांच्या मार्गदर्शनाखाली राबविण्यात आली. जिल्हाधिकारी निमा अरोरा यांनी स्वतः उपस्थित राहून जिल्हाधिकारी कार्यालयात होत असलेल्या कारवाईची माहिती घेतली. उप प्रादेशिक परिवहन कार्यालयातील पथक क्रमांक 1 मध्ये मोटार वाहन निरीक्षक अभिजीत टाले, सहायक मोटार वाहन निरीक्षक नितीन खरात, गोपाल पंचाली व कृष्‍णा नेवरे यांनी संयुक्तपणे जिल्हाधिकारी कार्यालय परिसरात तर उप प्रादेशिक परिवहन कार्यालय परिसर येथे पथक क्रमांक 2 मध्ये मोटार वाहन निरीक्षक संदिप तुरकणे, सहायक मोटार वाहन निरीक्षक मनोज शेळके, भागवत चोपडे, दिनेश एकडे, वाहन चालक गौतम अरखराव व मोहम्मद अतहर यांनी तपासणी मोहिम राबविली.

Previous articleमहादेवाच्या काठीचे मुक्रमाबादेत जल्लोशात स्वागत :-
Next articleजिल्हा काँग्रेस कमिटीच्या वतीने 1 एप्रिल रोजी गडचिरोली येथे “महागाई मुक्त भारत” धरणे आंदोल
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here